vaxtlı-vaxtında oxuyun! Şənbə, 15 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
QARABAĞ  
14:25 | 9 avqust 2017 | Çərşənbə Məqaləyə 2925 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«6 aydır xəbər almırıq»

Dilqəm Əsgərovun oğlu: «Ümidimiz yalnız prezidentimiz İlham Əliyevədir»

Gülşən RAUFQIZI

MÖVZU İLƏ ƏLAQƏLİ

«Altı aydır atamla əlaqə yarada bilmirik». Bu barədə Modern.az-a erməni girovluğunda saxlanılan Dilqəm Əsgərovun oğlu Kürdoğlu Əsgərov məlumat verib.

K.Əsgərov atasının səhhətindən narahat olduğunu bildirib: «Hər dəfə atamdan məktub gələndə təsəlli tapırdıq. Əfsuslar olsun ki, altı aydır ondan səs-soraq yoxdur. Artıq 4 ildir ki, atam erməni girovluğundadır».

O, atasının azad olunacağı günü səbirsizliklə gözlədiyini deyib: «Avropa Məhkəməsinə ümid bağlamıram. Onların işə ədalətli baxacağına inanmıram. Nədənsə ATƏT və digər beynəlxalq təşkilatlar nəinki Qarabağa probleminə, eləcə də girovların azad olunması prosesində Azərbaycana qarşı qərəzli mövqe sərgiləyirlər. Ümid ancaq Azərbaycan Respublikasının Prezidenti, Ali Baş Komandan, cənab İlham Əliyevədir. Mən inanıram ki, onun həyata keçirəcəyi tədbirlər nəticəsində girovlarımız azadlığa qovuşacaq».

2014-cü il iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər.

İşğal altındakı Dağlıq Qarabağda D. Əsgərov və Ş. Quliyev üzərində «məhkəmə» qurulub. «Məhkəmə»nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.