vaxtlı-vaxtında oxuyun! Şənbə, 20 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
SOSİAL  
15:38 | 9 fevral 2022 | Çərşənbə Məqaləyə 1223 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Vəfat edən şəxsin pensiya kapitalı hara xərclənir?

Bu məsələ Milli Məclisdə dinləmələrə çıxarılacaq

MÖVZU İLƏ ƏLAQƏLİ

Gələcəyimizi sığortalamaq üçün hər ay əməkhaqqımızdan sosial sığorta haqqı ödəyirik. Beləliklə, bizim pensiya kapitalımız formalaşır. Düşünürük ki, vaxtı çatanda bu vəsaitdən bəhrələnəcəyik. Ancaq çoxlarını düşündürən bir sual var: Əgər sığortaolunan dünyasını dəyişərsə, hamin kapitalın aqibəti necə olur?

Qanunvericiliyə əsasən, vəfat edən şəxsin pensiya kapitalı müqabilində onun ailə üzvlərinə müavinət təyin edilir. Bunun üçün isə ailə üzvlərinin yaşı 18-dən az olmalıdır. Həmin şəxslər tələbə olarsa, 23 yaşınadək bu müavinətləri ala bilərlər. Burada isə daha bir sual ortaya çıxır: Vəfat edən şəxsin ailə üzvlərinin yaşı 18-dən yuxarıdırsa və ya əlilliyi yoxdursa, o zaman bu vəsait hara yönəldilir?

Ekspert Turab Rzayev deyir ki, vətəndaşın pensiya kapitalı onun öz şəxsi vəsaitdir. Onun sözlərinə görə, pensiya kapitalının əlçatanlığının təmin olunması üçün dünya təcrübəsindən yararlanmaq olar.

Millət vəkili Vüqar Bayramov isə bildirir ki, vətəndaşın pensiya kapitalına yığılan vəsait mövcud müavinətlərin ödənilməsinə sərf edilir. O, bu prosedurun təkmilləşdirilməsi istiqamətində müzakirələrin aparıldığını da deyir.

Vüqar Bayramovun sözlərinə görə, pensiya kapitalından səmərəli istifadə məsələsi yaxın vaxtlarda Milli Məclisdə dinləmələrə çıxarılacaq.