vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
PROBLEM, ŞİKAYƏT, NARAZILIQ  
01:59 | 30 iyun 2022 | Cümə axşamı Məqaləyə 745 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Hər kəs həddini bilməlidir

Sutkada 12 saat sükan arxasında sürücü də insandır və onun da səbrinin həddi var

Əzizə İSMAYLOVA

MÖVZU İLƏ ƏLAQƏLİ

Sumqayıtdakı avtobus haqq-hesabına gəlincə, üzrlü sayın, sürücünü günahlandıranların səmimiliyinə əmin ola bilmirəm. Xüsusən də özü daim sükan arxasında olanların.

İnanmıram ki, eyni durumda siz olsaydınız, heç nə olmamış kimi durub deyərdiniz ki, “xanım, təhqirlərinizə görə çox sağ olun. Təlimata görə, mən sizinlə istənilən halda kübar davranmalıyam. İndi zəhmət olmasa, avtobusu tərk edin, yoxsa polis çağıracam”.

Əslində, necə deyərlər, “ununda da var, urvasında da” deyərdim. Amma bu durumda katalizator o  qadındır.  Avtobusda o qədər adam var. Ya sürücü sükanı buraxsaydı və ya çaşıb qaza bassaydı? 

Sumqayıt boyda yerdə avtobusla çox olsa 15 dəqiqə yol gedilir. Bu müddətdə adam, xüsusən də bu yaşda bir qadın, özünü bu cür aparırsa, demək ki, problem ondadır. Sürücülər gün ərzində 10-12 saat sükan arxasında olurlar və nə simalar, nə sifətlər görürlər. Daş deyillər, insandırlar. Onların da səbrinin bir həddi var.

Sürücünün işdən uzaqlaşdırılmasına da çox üzüldüm. Adam duran yerdə işindən oldu. İstənilən kişi o durumda ən yumşaq elə o reaksiyanı verərdi. Qadın olsaydı, gözlər görməsin, bilirsiz də nə olardı...

“Müştəri (sərnişin) həmişə haqlıdır” fikrini ilk dəfə kim deyibsə, barıtını çox eləyib. Xeyr, əfəndim, reallıqda elə bir dünya yoxdur. Hər kəs həddini və yerini bilməlidir. Bilməyəndə mütləq biri göstərir. 

Demirəm, sürücü əcəb edib. Günahlandırmıram da. O təhqirə, o başa çanta çırpmağa edə biləcəyi tək şey üstünə hücum edəni kənara itələmək idi, onu da etdi.

Allah kimsənin yolunu mərdiməzarla kəsişdirməsin.