

Agentliyin yenilənmiş veb-saytının təqdimatı olub
“Donosvari” şikayətlər əsasında yazılan “ekspertiza işi”
Özbaşınalıqların acığını evsiz jurnalistlərdən çıxmaq lazım deyil
Dünya slnaqdan keçirilən praktika Azərbaycanda niyə tətbiq olunmur?
Zəruri prosessual tədbirlərdən sonra hadisəyə hüquqi qiymət veriləcək
Əhməd İsmayılov Aytən Məmmədova ilə bağlı məsələyə münasibət bildirib
MEDİA-dan jurnalistin hədələnməsinə reaksiya
Millət vəkili Medianın İnkişafı Agentliyinə müraciət etdi
Məhkəmə apelyasiya şikayətlərini təmin etmədi
“Jurnalistlərə sosialyönlü imtiyazlardan, güzəştli ipotekadan yararlanmaq imkanı veriləcək...”
“Media qanunu”: hədəflərimiz nədir və nəyə nail olmaq istəyirik?
İlham Əliyev Medianın İnkişafı Agentliyinə yeni hüquqlar verdi
MEDİA-nın icraçı direktoru Əhməd İsmayılov yazır
Son zamanlar bir sıra media subyektləri tərəfindən intihar halları ilə bağlı xəbərlərin geniş tirajlanması, xüsusən də yetkinlik yaşına çatmayan şəxslərin özünə qəsd etməsi ilə əlaqədar mövzuları işləyərkən jurnalist peşəkarlığı baxımından yol verilən qüsurlar cəmiyyətdə narahatlıq yaratmaqla, haqlı olaraq ictimai narazılığa səbəb olur.
Xüsusi vurğulamaq istərdik ki, Azərbaycan Respublikasının Audiovizual Şurası və Azərbaycan Respublikasının Medianın İnkişafı Agentliyi tərəfindən bu ilin aprel ayında ölkənin bütün media subyektlərinə tövsiyə olunmuş “Redaksiya siyasəti və peşə etikası qaydaları”nda qeyd olunduğu kimi intihara cəhdlə bağlı xəbərlərin təsviri təqlid hissi oyatmamalıdır. İntiharın üsulunu və hadisənin detallarını açıqlamaq, başlığa çıxarmaq, mübaliğəyə yol vermək arzuolunan deyil, eyni zamanda jurnalist peşəkarlığının göstəricisi hesab edilə bilməz.
Zorakılıq, intihar və s. bu kimi insanların sağlamlığına və təhlükəsizliyinə dair mənfi təzahürlərlə bağlı məlumatlar adekvat tərzdə işıqlandırılmalı, onların təbliğinə və təsir gücünün artırılmasına yol verilməməlidir.
Eyni zamanda əhalinin həssas qruplarına, uşaqların, yetkinlik yaşına çatmayanların fiziki, əqli və mənəvi inkişafına ziyan vuran məlumat, o cümlədən təsvirlərdən istifadə olunmamalıdır. Xatırlatmağı zəruri hesab edirik ki, uşaqlara münasibətdə “Uşaqların zərərli informasiyadan qorunması haqqında” Azərbaycan Respublikasının Qanununda nəzərdə tutulmuş tələblərə birmənalı şəkildə əməl edilməlidir.
Unutmaq olmaz ki, peşəkar media ictimai əhəmiyyətli informasiyalarla cəmiyyəti məlumatlandırmaq kimi şərəfli və məsuliyyətli missiyanı yerinə yetirir. İntihar halları və bu qəbildən olan digər təzahürlərlə bağlı materialları işıqlandırarkən medianı ictimaiyyət qarşısındakı məsuliyyətinə diqqətlə yanaşmağa və peşəkar həssaslıq nümayiş etdirməyə çağırırıq.