vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
GÜNDƏM  
12:42 | 27 iyul 2022 | Çərşənbə Məqaləyə 3170 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Daha effektiv yardım etməyə hazırıq”

Ned Prays: “Biz Minsk Qrupunun həmsədrləriyik, ancaq ...”

MÖVZU İLƏ ƏLAQƏLİ

Vaşinqton Azərbaycana və Ermənistana “istənilən yolla, daha effektiv olacaq formatda yardım etməyə hazır olduğunu” təsdiqləyib.

“Turan” Agentliyinin xəbərinə görə, bunu iyulun 26-da günlük brifinqdə Amerika Birləşmiş Ştatları (ABŞ) Dövlət Departamentinin nümayəndəsi Ned Prays bildirib.

Bakının ATƏT-in Minsk Qrupuna qarşı davam edən tənqidi ilə bağlı “Turan”ın sualına cavabında da Prays deyib: “Biz 1994-cü ildən Minsk Qrupunun həmsədrləriyik, ancaq biz artıq göstərmişik ki, Ermənistan və Azərbaycanın uzunmüddətli və hərtərəfli sülh əldə etməsinə kömək etmək üçün ikitərəfli əsasda da qarşılıqlı fəaliyyətə hazırıq”.

İyulun 25-də ABŞ dövlət katibi Entoni Blinken Azərbaycan və Ermənistan liderlərilə son telefon danışığı zamanı iki ölkə arasında əlaqələrin qurulmasına ölkəsinin yardımını bir daha təklif edib.

Praysın sözlərinə görə, hər iki tərəfdaşlarla daimi əlaqələr və diplomatik danışıqlar sayəsində müəyyən irəliləyiş var. O qeyd edib ki, bu prosesi davam etdirmək üçün Dövlət Departamentində Blinkendən başqa həmkarlarla (Bakı və İrəvanda) qarşılıqlı fəaliyyət göstərən bir sıra yüksək vəzifəli məmurlar var.