vaxtlı-vaxtında oxuyun! Cümə axşamı, 8 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
GÜNDƏM  
14:14 | 24 noyabr 2022 | Cümə axşamı Məqaləyə 282 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sülh alınana oxşamır

İsraildə səfirlik açılması qərarı fars-molla rejiminə od qoyub

MÖVZU İLƏ ƏLAQƏLİ

İran Azərbaycanla münasibətlərin normallaşmasında maraqlı deyil. Dini lider Xameneyinin şəxsi tapşırığı ilə yaradılan “İran Press” informasiya agentliyi bu barədə məqalə dərc edib. Yazının bir cümlədə tərif etsək, fars-molla rejimi Azərbaycana ultimatum verir – ya İranla əlaqələrin normallaşdırılması və İsrail ilə əlaqələrin kəsilməsi, ya da münaqişənin davamı.

Həmin məqaləni Azərbaycan Prezidentinin köməkçisi Hikmət Hacıyevin İranla münasibətlərin normallaşması perspektivlərinə dair 20 noyabr tarixli bəyanatına reaksiya kimi də adlandırmaq olar.

Məqalədə Hikmət Hacıyevin adıçəkilən açıqlamasından sitat verilir: “Təəssüflə qeyd edirik ki, son zamanlar İran İslam Respublikasının rəsmi şəxslərinin, parlament üzvlərinin və güc strukturlarının etdikləri bəyanatlar iki ölkə arasında münasibətlərin gərginləşməsinə səbəb olub”.

Buna cavab olaraq “İran Press” məlumat verir: “İkitərəfli münasibətlərin pozulması səylərindən sonra Azərbaycan rəsmiləri artıq ilki dəfə deyil ki, İranla normal əlaqələrdə olmaqda maraqlı olduqlarını deyirlər. Bununla yanaşı, Azərbaycan KİV-ləri anti-İran və antidin mövqelərini qoruyub saxlayırlar, İsraili isə müsəlmanların və şiə respublikası olan Azərbaycanın dostu kimi göstərməyə çalışırlar. İranla əldə edilən razılaşmalara baxmayaraq, Əliyev hökuməti israilliləri İran sərhədinə yaxın buraxdı. Belə davranışı xoş qonşu münasibətləri adlandırmaq olmaz. Müxtəlif xarici elementlər öz təhrikedici addımlarından əl çəkməyincə İran-Azərbaycan münasibətlərində ciddi dəyişikliklər baş verməyəcək”.

Noyabrın 20-də “SEPAH”a bağlı “Təsnim” informasiya agentliyi Xameneyinin beynəlxalq əlaqələr üzrə müşaviri Vilayətinin Azərbaycan barədə bəyanatını dərc edib.

Daha sonra Bakıdakı yüksək vəzifəli məmur bu haqda deyib: “Vilayətinin bəyanatı ikitərəfli münasibətlərdə gərginliyin aradan qaldırılmasına işarə kimi qəbul edilir, lakin “qardaşlıq və dostluq” haqda təkcə sözlər yetərli deyil. Bizim mənbə qeyd etdi ki, İran rəhbərliyinin əsl niyyəti dövlət KİV-lərinin ritorikasına, parlamentarilər və rəsmi şəxslərin çıxışlarına əsasən qiymətləndiriləcək.

“İran Press”in məqaləsindən belə qənaətə gəlmək olar ki, sülhə nail olmaq alınmayacaq.