vaxtlı-vaxtında oxuyun! Çərşənbə axşamı, 23 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
GÜNDƏM  
11:10 | 15 dekabr 2022 | Cümə axşamı Məqaləyə 1745 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

... Kremldən gələcək bəyanat

Barmaq sayı qədər ədalətli insanın olduğu ...

Bəybala MİRZƏYEV

MÖVZU İLƏ ƏLAQƏLİ

Qaçıb aradan çıxan günün əsas personası əslində Volkov deyil, Putinin özüdür. General Andrey Volkov kimdir ki?

O, çox balaca adamdır. Bizim ərazimizdəki “sülhməramlı”ların komandanıdır. Və bu komandan heç nəyi həll etmir. O, sadəcə Kremldən gələn əmrləri yerinə yetirir. Əsas söz sahibi Putindir.

Putin isə susur. Yəqin ki, bu gün Rusiya rəsmilərindən kimsə biri onun adından çıxış edəcək, bəyanat səsləndirəcək, Laçın yolundakı gərginliklə bağlı Kremlin mövqeyini açıqlayacaq.

Gözləyək görək o bəyanat nə dərəcədə obyektiv və ədalətli olacaq. Hərçənd ki, Rusiyadan ədalət və obyektivlik gözləmək çətin məsələdir.

Ermənilər ümid edirlər ki, Rusiya tərəfinin bəyanatı onları xəyal qırıqlığına uğratmayacaq.

Rusiyanın barmaqla sayılacaq qədər az sayda olan ədalətli insanları isə hesab edirlər ki, Rusiya ermənilərin xoşuna gəlmək, onların rəğbətini qazanmaq taktikasından əl çəkib Ermənistanı və Xankəndidəki separatçıları 10 noyabr bəyanatının şərtlərini yerinə yetirməyə məcbur etməli və üstəgəl, Azərbaycan ekoloqlarının filiz yataqlarında monitorinq aparmasına şərait yaratmalıdır.

Ancaq təəssüf ki, hazırda Rusiyada bu cür obyektiv düşünən insanların səsləri, çağırışları eşidilmir. Şərəfini ermənilərə satan Zatulin kimi siyasətçilərin səsi daha gur çıxır. Kremlin qərarları da hər zaman məhz zatulinlərin zəhərli fikirləri əsasında formalaşır.

Lakin bizim üçün nə Kremlin, nə Parisin, nə Tehranın, nədəki digər şər yuvalarının mövqeyi önəmli deyil. Biz öz “yol xəritə”mizlə hərəkət etməliyik. Bunun üçün tarixi şans yaranıb.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)