Avropa Birliyi (AB) hava limanlarında 1 sentyabrdan maye və gel məhsulların limiti ilə bağlı əl baqajı qaydaları yenilənib.

Sərnişinlər bu maye və gel məhsulları müvafiq şüşələrə yerləşdirməli və bütün məhsulları maksimum həcmi 1 litr olan şəffaf plastik torbaya qablaşdırmalıdırlar.

Dərmanlar və maye körpə qidaları məhdudiyyətdən azad edilsə də, yeni qaydalar AB daxilindəki bütün hava limanlarında tətbiq olunacaq.

Avropanın bir çox yerlərində hava limanlarında baqajın içini yoxlayan qurğuların dəyişdirilməsindən sonra AB onların etibarlılığına şübhə ilə yanaşıb və bu da qaydaların sərtləşməsinə səbəb olub.

Yeni qurğular köhnələrdən fərqli olaraq maye məhsulları əl yükündən çıxarılmadan yoxlamağa imkan verir.

Yeni qaydaların cihazların etibarlılığını təmin edənə qədər qüvvədə olacağı gözlənilir.