Dünyanın ilk mRNT ağciyər xərçəngi peyvəndi xəstələr üzərində sınaqdan keçirilməyə başlanıb. Mütəxəssislər bu peyvəndin minlərlə insanın həyatını xilas etmək potensialını “təməlqoyma” kimi xarakterizə edirlər. Ağciyər xərçəngi dünyada ən geniş yayılmış xərçəng növü kimi tanınır və hər il təxminən 1,8 milyon insanın ölümünə səbəb olur. Xüsusilə şişlərin yayıldığı inkişaf etmiş mərhələlərdə sağ qalma nisbətləri olduqca aşağıdır.

İndi mütəxəssislər bədənə xərçəng hüceyrələrini tapıb öldürməyi və onların inkişafının qarşısını alan yeni peyvəndi sınaqdan keçirirlər.

“BNT116” kimi tanınan və “BioNTech” tərəfindən istehsal olunan bu peyvənd ağciyər xərçənginin ən çox yayılmış növü olan kiçik hüceyrəli olmayan ağciyər xərçəngini (KHDAK) müalicə etmək üçün nəzərdə tutulub.

***

Faza 1 klinik sınaq insanlarda “BNT116”nın ilk tədqiqatıdır və Böyük Britaniya, ABŞ, Almaniya, Macarıstan, Polşa, İspaniya və Türkiyə də daxil olmaqla yeddi ölkədəki 34 tədqiqat mərkəzində başlanmışdır.

Ümumilikdə, cərrahiyyə və ya radioterapiyaya qədər erkən mərhələdən inkişaf etmiş xəstəlik və ya təkrarlanan xərçəng hallarına qədər təxminən 130 xəstə bu sınaqda iştirak edəcək.

Peyvənd COVİD-19 vaksinlərinə bənzər mRNA istifadə edir və NSCLC-dən (Non-small-cell lung cancer – Kiçik hüceyrəli olmayan ağciyər xərçəngi) immun sisteminə şiş markerlərini təqdim edərək, bədəni bu markerləri ifadə edən xərçəng hüceyrələri ilə mübarizə aparmağa hazırlayır.

Bu üsul, kimyaterapiyadan fərqli olaraq daha təhlükəsiz müalicə prosesi təklif edən sağlam hüceyrələrə zərər vermədən insanın immun reaksiyasını gücləndirməyi hədəfləyir.