Hökumət qarşısında tapşırıq belədir ki, Xarici Dövlət Borcunun Ümumi Daxili Məhsula (ÜDM) nisbəti 10 faizə endirilsin.

Bunun nə dərəcədə mümkün ola bilməsinə baxaq. Hazırda ÜDM 92,7 milyard manat, Xarici Dövlət Borcu isə 13,8 milyard manatdır. Bu isə 14,9 faiz deməkdir.

ÜDM-in artım tempinin analoji davamını nəzərə alsaq ən yaxşı halda 1 ilə, ən pis halda isə 3 ilə bu göstəricini 10 faiz faizə salmaq olar. Belə ki, bu ilin  I rübündə ÜDM 6,8 faiz artıb. Bu artım tempinin bir az da sürətlənməsi Azərbaycanda ÜDM-in bir il ərzində 100 milyard manata çatması deməkdir. Xarici Dövlət Borcunun isə 3,8 milyard manat azaldılması ölkə başçısının tapşırığının yerinə yetirilməsi deməkdir (100 və 10). Ortalama yanaşma ilə 1,5 -2 il ərzində bu 10 faiz nəticəyə çatmaq daha real görünür.