Fransada yerləşən yoğurt istehsalçısı “Danone” Almaniyanın Bavariya bölgəsindəki ən böyük fabrikini bağlamağa hazırlaşır. 2026-cı ilin sonunda fəaliyyətini dayandırması gözlənilən fabrikin bağlanması 230 işçini əhatə edəcək.

Türkiyədəki sərmayələrini yavaşlamadan davam etdirən Fransa mərkəzli qatıq istehsalçısı “Danone”, Avropadakı fabriklərinin sayını azaldır.

2026-cı ilin sonuna qədər Almaniyanın Bavariya əyalətindəki yeganə fabrikini bağlamağa hazırlaşan Fransa nəhəngi bu qərarını süd məhsullarının xərclərinin digər yerlərə nisbətən xeyli yüksək olması ilə əsaslandırır.

Paylaşılan açıqlamada işçilərə fərqli “Danone” fabriklərində iş imkanları təklif ediləcəyi, şirkətin iş dəyişikliyi üçün köçəcək işçilərə əlavə maliyyə imkanları da təqdim edəcəyi bildirilib. 2024-cü ildə gözləntilərin üzərində böyüməyə nail olan qida nəhəngi Türkiyədəki fabriklərinin sayını artırmağa qərar verib və Lüleburqazdakı istehsal müəssisəsində 450 milyon lirədən çox sərmayə ilə qida çatışmazlığının müalicəsində istifadə edilən tibbi qida məhsullarının yerli istehsalına başlayıb.

“Oxsenfurtdakı fabrik 1972-ci ildə yaradılıb. Bağlanma planları həmçinin Oxsenfurt şəhəri üçün acı itkidir”, – Qida, İçki və İaşə Birliyinin (NGG) sözçüsü “BR24”ə bildirib. Həmkarlar ittifaqı gələcəklə bağlı müzakirələr aparmaq üçün tezliklə işçi şurası ilə əlaqə saxlamağı planlaşdırır.

“Danone”nin açıqlaması yerli siyasətçilərin də reaksiyasına səbəb olub. Vürtsburq regional administratoru Tomas Ebert (CSU) və Oksenfurt meri Peter Cuks birgə bəyanatda “Bu, Vürtsburqdakı “Brose”nin bağlanacağına dair elan kimi bölgəmiz üçün pis xəbərdir, – deyib.