İnvestorlar, ABŞ-ın 9 iyul tarifləri üçün son tarixdən əvvəl ticarət danışıqlarını yaxından izləməyə davam edirlər. Qızıl ABŞ Federal Ehtiyat Sisteminin bu ilin sonunda faiz endirimlərini bərpa edəcəyinə dair optimizmlə ikinci gün də bahalaşıb.

Külçə dünən 0,9 faiz dəyər qazandıqdan sonra təxminən 3,310 dollara satıldı. İnvestorlar 2025-ci ildə ən azı iki faiz endirimi ehtimalı ilə qiymət qoyurlar. Birigün açıqlanacaq iş hesabatı da ABŞ Xəzinədarlıq istiqrazlarının gəlirliliyini aşağı sala biləcək mümkün amil kimi görünür.

Qızıl bu il öz dəyərinin təxminən dörddə birini qazanıb və apreldə müəyyən edilmiş rekord həddən cəmi 200 dollar aşağı ticarət olunur. Yüksəliş artan ticarət və geosiyasi risklərlə dəstəklənir. Trampın tarif siyasətinin iqtisadi təsiri ilə bağlı qeyri-müəyyənlik və ABŞ aktivlərinin xaricə axını dollar indeksinin ilin ilk altı ayında təxminən 11 faiz ucuzlaşmasına səbəb olub.

Bakı vaxtı ilə saat 4:44-ə olan məlumata görə, spot qızıl 0,3 faiz artaraq 3 311,64 dollar olub. “Bloomberg Dollar Spot” İndeksi dünən 0,5 faiz ucuzlaşdıqdan sonra bu gün yenə 0,1 faiz ucuzlaşıb.

Platin iyun ayında təxminən 29 faizlə bütün zamanların ən yüksək səviyyəsinə çatdıqdan sonra 0,6 faiz artaraq 1,367,10 dollara yüksəlib. Gümüş və palladium da bahalaşıb.