vaxtlı-vaxtında oxuyun! Şənbə, 7 dekabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
TURİZM, DAŞIMAÇILIQ, NƏQLİYYAT  
18:31 | 30 iyul 2019 | Çərşənbə axşamı Məqaləyə 664 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Azərbaycan icazə verməz”

Gürcüstan Ermənistana taxıl daşınmasının qarşısını alırmı?

MÖVZU İLƏ ƏLAQƏLİ

Gürcüstanın öz ərazisindən Ermənistana avtomobil yolu ilə taxıl və qarğıdalı daşınmasına qadağa qoymaq barədə mövqeyinə yenidən baxmağa hazırlaşır. Rəsmi Tiflis bu məsələdə yumşalıb və Ermənistana taxılın avtomobil yolu ilə, TIR-larla daşınmasını qadağan etmək fikrindən daşına bilər.

Rusiyadan və Qazaxıstandan idxal edilən taxılın Gürcüstan üzərindən Ermənistana daşınması məsələsi ətrafında qeyri-müəyyənlik bir müddətdir davam edir. Gürcüstan hökuməti bildirir ki, taxılın avtomobil yolu ilə Ermənistana daşınması ətraf mühitə və yol infrastrukturuna ziyan vurur. Çünki daşıma üçün istifadə edilən TIR parkı köhnəlib, habelə maşınlara normadan artıq yük vurulduğu üçün yollar sıradan çıxır.

İndi Gürcüstanın nəqliyyat dəhlizlərini araşdırma Mərkəzinin direktoru Paata Tsaqareşvili bildirir ki, Tiflis bu məsələdə balanslaşdırılmış qərar verməyə hazırlaşır. Və hökumət taxılın avtomobil yolu ilə daşınmasına 2019-cu il oktyabrın 1-dən qadağa qoymaq barədə planını dəyişib.

“Gürcüstan üçün taxılın avtomobil yolu ilə daşınmasına qadağa qoymaq aktual deyil. Hökumət daşıyıcılara seçim imkanı yaratmaq istəyir-taxılı ya avtomobil, ya dəmir yolu ilə daşımaq”,-Tsaqareişvili deyib.

Ermənistanın “Manana Qreyn” adlı iri un istehsalı şirkətinin direktoru Qurgen Nikoqosyan isə bildirib ki, rəsmi bəyanat verilməsə də Tiflisin qadağanı tətbiq etməyəcəyi haqda məlumat var. Bu da Ermənistanın un istehsalçılarına sərf edir. Çünki istənilən məhdudiyyət ziyana gətirib çıxaracaq.

Nikoqosyan deyib ki, əgər Gürcüstan qadağanı tətbiq etsə Ermənistan üçün ən qısa və ucuz marşrut-Yuxarı Lars marşrutu bağlanacaq. Belə olan halda isə taxılı Rusiyanın Novorossiysk limamından Gürcüstanın Poti limanına, oradan isə dəmir yolu ilə Yerevana daşımalı olardılar.

Rusiya taxılını dəmir yolu ilə Ermənistana daşımaq mümkündür, amma Qazaxıstan taxılı üçün bu variant keçərli olmayacaq. Belə ki, Tiflis Qazaxıstandan taxıl daşınmasının həcmini artırmaq istəyir. “Əgər Gürcüstan Qazaxıstandan taxıl nəql edəcəksə o zaman Azərbaycanın dəmir yollarından istifadə edəcək. Bizim isə Bakı ilə diplomatik münasibətlərimiz yoxdur, ona görə də həmin yol Ermənistan üçün bağlıdır”, - Nikoqosyan bildirib.

Qeyd edək ki, Tiflis ilə Bakı arasında razılaşmaya əsasən gürcü tərəfi Azərbaycan ərazisindən nəql edilən yükləri Ermənistana ötürə və ya sata bilməz.

Qazaxıstan taxılının Rusiya üzərindən Ermənistana nəqli isə Nikoqosyana görə sərfəli deyil, çünki bu marşrut baha başa gəlir. (virtualaz.org)


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *