

Yüksək vəzifəli məmur irqçi paylaşımların üzə çıxmasından sonra istefa verdi
“Sultana” gəmisinin batması XIX əsrin ən dəhşətli gəmi qəzası sayılır
Kanada Trampın layihəsinə qoşulmağa hazırdır
“Dünyanın ən varlı adamı 2-ci və ya 3-cü olmaq istəməyəcək”
Ticarət problemləri yaşayan ABŞ və Kanada eyni zamanda ən məşhur mundiala evsahibliyinə hazırlaşır
Kolumbiya lideri Qustavo Petro narkotik vasitəni reklam etdi
Brüssel Tramp administrasiyasının Pekinlə ticarət müharibəsindən faydalanmaq istəyir
ABŞ-dakı neft şirkətləri Trampı dinləmir
Tramp Tehrana qa ikinci dalğaya başlayır
82 yaşlı siyasətçi məşhur agentliklə müqavilə imzalayıb
Trampın imzaladığı sənədin Tehranın nüvə proqramına təsiri, Bakıya mümkün fayda və zərərləri
Qlobal təsir sferalarının yenidən bölüşdürülməsində sərt təqdimat
Əvvəllər Trampı sevən mühafizəkarlar indi onu tənqid atəşinə tutur
“Prezidenti Məsud Pezeşkianın bundan xəbəri olmaya bilər”
Zelenski: “Konqresdə 200 milyard dollardan danışırlar, amma ...”
“Dəyişiklik edilməsə, ABŞ hərbi güclə də olsa, kanalı geri ala bilər”
Görkəmli azərbaycanlı alim Lütfi Zadənin Bakıda dəfn olunacağı yer məlum olub. APA-nın xəbərinə görə, Lütfi Zadə I Fəxri xiyabanda dəfn olunacaq. Bakı Şəhər İcra Hakimiyyətinin Mənzil Kommunal Təsərrüfatı Departamenti Əhaliyə Vətəndaşlıq Xidməti Trestindən bildirilib ki, Lütfi Zadənin məzarı 3 gün əvvəl qazılıb.
AMEA-nın vitse-prezidenti, akademik İsa Həbibbəyli APA-ya deyib ki, Lütfi Zadənin nəşi bu həftə ərzində Bakıya gətiriləcək və onunla dövlət səviyyəsində vida mərasimi təşkil olunacaq.
Qeyd edək ki, dünya şöhrətli azərbaycanlı alim Lütfi Zadə sentyabrın 6-da ABŞ-da vəfat edib.
Lütfi Zadə 1921-ci il fevralın 4-də Bakıda, Rəhim Ələsgərzadə (1895-1980) və yəhudi əsilli rus uşaq həkimi olan Feyqa (Fanya) Moiseyevna Koremanın (1897-1974) ailəsində dünyaya gəlib.
Lütfinin atası Rəhim Ələsgərzadə İranın Ərdəbil şəhərində ziyalı ailəsində dünyaya göz açıb. Birinci dünya müharibəsi illərində Ərdəbildən Bakıya köçüb və burada ticarətlə məşğul olmaq qərarına gəlib.
Lütfi Zadə ilk təhsilinə Bakıdakı 16 saylı məktəbdə başlayıb. 10 yaşında ailəsi ilə birlikdə Tehrana köçüb. Tehran Universitetini böyük uğurla başa vurduqdan sonra Amerika Birləşmiş Ştatlarına gedib və təhsilini Massaçusets Texnologiya İnstitutunda davam etdirib.
Lütfi Zadə süni intellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru idi. O, bu ali təhsil müəssisəsinin ömürlük professoru seçilmiş yeganə şəxsdir. Amerikadakı Azərbaycan diaspor təşkilatlarının fəxri sədridir.
Dünya elminə Lütfi Zadənin 6 mühüm nəzəriyyəsi məlumdur. Hazırda onlar elm və istehsalatda geniş şəkildə tətbiq olunur. Ona dünya şöhrəti qazandıran, onun dünya elmində inqilab hesab olunan qeyri-səlis məntiq nəzəriyyəsidir.
20 il Amerika elmi ictimaiyyəti tərəfindən qəbul edilməyən qeyri-səlis məntiq nəzəriyyəsi, nəhayət, 1980-ci illərdə yapon alimləri tərəfindən böyük maraqla qarşılanıb.
Bu nəzəriyyə bütün dünyada elmə, texnika və texnologiyaya geniş nüfuz edib. Paltaryuyan maşınlardan tutmuş, avtomat sürücüyə kimi yüzlərlə, minlərlə sistemdə, qurğuda tətbiq olunub.
Azərbaycan prezidenti İlham Əliyev, dövlət və hökumət rəsmiləri Lütfi Zadənin vəfatı ilə bağlı başsağlığı veriblər.