vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
GÜNDƏM  
14:42 | 24 may 2022 | Çərşənbə axşamı Məqaləyə 497 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Etirazçılar Ermənistan XİN-ə girişi bağlayıblar

Məqsədi işçilərin binaya girməyini qarşısını almaqdır

MÖVZU İLƏ ƏLAQƏLİ

İrəvanda Baş nazir Nikol Paşinyanın istefasını tələb edən etirazçılar polis baryerini aşaraq bir neçə hökumət binasının, o cümlədən Xarici İşlər Nazirliyinin girişini qapadıblar.

Parlamentin vitse-prezidenti və müxalifətdə olan “Ermənistan” fraksiyasından deputat İşxan Sağatelyan mayın 24-də deyib ki, aksiyanın məqsədi işçilərin binalara, xüsusilə “daha Ermənistanın və erməni xalqının maraqlarına xidmət etməyən” XİN-in binasına girməyini önləməkdir. ​

***

Minlərlə müxalifət tərəfdarı İrəvanda hər gün etiraz aksiyasına çıxır. Onlar Paşinyanın Azərbaycanla Dağlıq Qarabağ danışıqlarında “qəbuledilməz güzəştlər”ə getdiyini deyirlər.

Polis yüzlərlə etirazçını saxlasa da, sonradan onların əksəriyyəti buraxılıb. Nümayişçilər hökumətə təzyiqi gücləndirmək üçün vətəndaş itaətsizliyi aksiyaları keçirdiklərini deyirlər.

Paşinyan ötən ay Azərbaycan Prezidenti İlham Əliyevlə Dağlıq Qarabağ münaqişəsinin həlli üzrə sülh sazişini hazırlamağa və sərhədlərin demarkasiyasi üzrə birgə komissiya yaratmağa razılaşıb. Tərəflər artıq mayın 23-də komissiyanın tərkibini açıqlayıblar.

Avropa Şurasının Prezidenti Şarl Mişel mayın 22-də Brüsseldə deyib ki, birgə komissiyanın ilk iclası “tezliklə” keçiriləcək.

***

Azərbaycan sülh sazişin beş elementə əsaslanmasını, iki ölkənin ərazi bütövlüyünün qarşılıqlı tanınmasını istəyir.

Paşinyanın bu elementlərin İrəvan üçün qəbuledilən olduğunu açıq şəkildə bəyan etməsi müxalifəti qızışdırıb. Onlar hakimiyyətin Dağlıq Qarabağ üzərində Azərbaycanın suverenliyini tanımağa hazır olduğunu deyirlər.