Rusiya neft embarqosunu Liberiya bayrağı ilə pozur
“Sovcomflot”un neft tankerləri sanksiyalara baxmayaraq Avropanın limanlarına daxil olur
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Ukraynaya “ağıllı bombalar”
Müharibənin taleyini həll edəcək ikinci həmlə
Rusiyanın “Sovcomflot” (SCF) şirkətinin neft tankerləri Qərb sanksiyalarına baxmayaraq Avropanın limanlarına daxil olur. “Sovcomflot” sanksiyalardan yan keçmək üçün Kipr və Birləşmiş Ərəb Əmirliklərində (BƏƏ) iki törəmə şirkət qurub.
“Sovcomflot”un neft tankerləri isə Liberiya bayrağı altında üzürlər və onların təhlükəsizlik sertifikatları Hindistandan alınır. Bu barədə məlumatı Jurnalistlərin Mütəşəkkil Cinayətkarlıq və Korrupsiyanı Araşdırma Layihəsi – OCCRP və “Reuters” agentliyi veriblər.
OCCRP bu ilin may ayında “Sovkomflot”un sanksiyalara baxmayaraq hərəkətdə olan 18-dən çox tankerini müşahidə edib.
Bu da qeyd olunur ki, bu tankerlərdən hər biri 240 milyon dollarlıq neft daşıyır.
***
OCCRP yazır ki, onun təhqiqatçıları “Sovcomflot”un ABŞ, İtaliya, Danimarka və Niderlanda istiqamətlənən və ya bunların limanlarında lövbər salan 6 tankerini izləyə biliblər.
Təhqiqatçı jurnalistlər aşkar ediblər ki, Rusiya şirkəti sanksiyalardan yan keçmək üçün Kipr və BƏƏ-də törəmə firmalar açıb, onun tankerləri isə “vergi cənnəti” sayılan Liberiya bayrağı altında üzür.
Beynəlxalq siyasət və maliyyə üzrə ekspert Rikardo Soares deyir ki, “Sovcomflot”, beləliklə Rusiyanın kəskin ehtiyacı olan xarici valyutanı qazanmaqda davam edir.
Avropa İttifaqının mətbuat xidməti “Sovcomflot” tankerlərinin niyə hələ də Avropa limanlarına daxil ola bilməsi barədə suala cavab verməyib.
“Sovcomflot” şirkəti də sorğunu cavabsız qoyub.
“Reuters” agentliyi yazır ki, Rusiya üzərinə sanksiyalar qoyulandan bəri Qərb şirkətləri “Sovcomflot”un neft tankerlərinə təhlükəsizlik şəhadətnaməsi verməkdən imtina ediblər.
Buna görə də indi Rusiya şirkəti sertifikasiyanı Dubayda açdığı törəmə firması vasitəsilə Hindistanda sənədləşdirir.
***
Hindistanın “IRClass” sertifikasiya şirkətinin məlumatına görə qurum “Sovkomflot”un 80-dən çox gəmisinə şəhadətnamə verib.
Bu sənəd gəmilərin təhlükəsizliyinə qarantiya verir. Bundan başqa həmin şəhadətnamə ilə gəmiləri sığorta etdirmək və Avropa limanlarına girişini təmin etmək mümkün olur.
Rusiyanın Ukraynaya səbəbsiz və əsassız hücumundan sonra Avropa İttifaqı və ABŞ Rusiyanın ən böyük gəmiçilik şirkəti olan “Sovcomflot”u da sanksiya siyahısına daxil edib.
Bu sanksiya ABŞ-da martın sonlarından, Avropa İttifaqında isə mayın ortalarından qüvvədədir. Avropa İttifaqı iyunun əvvəllərində Rusiyaya qarşı sanksiyaların 6-cı paketini qəbul edib. Bu paketlə Rusiyadan dənizlə daşınan bütün neftə embarqo qoyulub.
Sanksiyalar qoyulandan sonra Çin və Hindistan Rusiyadan enerji daşıyıclarının idxalını artırıblar. “Reuters” yazır ki, Hindistan ötən illə müqayisədə Rusiyadan neft idxalını 16 dəfə artırıb. Treyderlərin məlumatına görə Rusiya Asiya ölkələrinə qazıntı yanacağını 30 faizlik güzəştlə satır.