vaxtlı-vaxtında oxuyun! Bazar ertəsi, 25 sentyabr 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
REGİON  
11:41 | 4 noyabr 2022 | Cümə Məqaləyə 780 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qazaxıstanın seçimi

Tokayev hərbi doktrinanı da dəyişdirib

Elxan ŞAHİNOĞLU

MÖVZU İLƏ ƏLAQƏLİ

Qazaxıstan prezident seçkisinə hazırlaşır. Seçkilər noyabrın 20-də keçiriləcək. Namizədlərin sayı artsa da, hazırkı dövlət başçısı Qasım Comərd Tokayevin prezident seçilməsi şansları yüksəkdir.

Tokayevin yanvar hadisələrindən sonra Qazaxıstanda mövqeləri güclənib. O keçmiş prezident Nursultan Nazarbayevin himasəyindən çıxıb, müstəqil daxili və xarici siyasət yürüdür. Paytaxtın adı yenidən Astana oldu. Tokayev Astanada beynəlxalq əhəmiyyətli bir neçə beynəlxalq toplantı keçirib. Tokayev Qazaxıstanın hərbi doktrinasını da dəyişdirib. Yeni düzəlişə görə, Qazaxıstanda daxili münaqişələr zamanı Milli Qvardiyanın gücündən də istifadə oluna bilər. 

Tokayev ölkəsinin Rusiyadan asılılığını azaltmağa çalışır. Rusiya rəsmilərinin və diplomatlarının Qazaxıstanın ərazi bütövlüyü əleyhinə verdikləri açıqlamalar Astanada narazılıqla qarşılanır. Qazaxıstanın Ukraynanın ərazi bütövlüyünü dəstəkləməsi, ilhaqı tanımaması Kremlin xoşuna gəlmir. Astana Türkiyə və türk dünyası ilə əməkdaşlığın geninləşməsinə üstünlük verir. Astana Ankara ilə birgə hərbi-sənaye kompleksini inkişaf etdirməkdə qərarlıdır. 

Qazaxıstanda marağı olan ölkələrdən biri də Çindir. Pekin Kremlin strateji tərəfdaşı olsa da, Qazaxıstanın ərazi bütövlüyünə dəstək verir. Çin lideri Si Tsinpin Qazaxıstana səfəri zamanı qonşu ölkənin ərazi bütövlüyünə dəstəyi davam etdirdiyini bildirdi. Bu Pekinin Moskvaya mesajıydı ki, Çin Rusiyanın Qazaxıstana qarşı ərazi iddialarını qəbul etmir. Çin Rusiya və Qazaxıstanla birgə Şanxay Əməkdaşlıq Təşkilatının imkanlarının hərəkətə gətirilməsini istəyir. 

Buna baxmayaraq, Pekin fəal uyğurların Qazaxıstanda sığınacaq tapmalarından narahatdır. Qazaxıstan uyğurların Çində izləşdikləri repressiyalardan qaçdıqları ölkədən biridir. Uyğurlar ara-sıra Çinin Qazaxıstandakı səfirliyi qarşısında etiraz təşkil edirlər. Ancaq Astana Çin əleyhinə böyük etirazlara imkan vermir.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)