vaxtlı-vaxtında oxuyun! Çərşənbə axşamı, 31 yanvar 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
GÜNEY  
22:05 | 26 noyabr 2022 | Şənbə Məqaləyə 311 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Mollalar və manqurtlar

Onlara qarşı effektiv mübarizə üsulları fikirləşməliyik

Bəybala MİRZƏYEV

MÖVZU İLƏ ƏLAQƏLİ

“Biz həyat tərzimizin, Azərbaycanın dünyəvi inkişaf vektorunun və azərbaycanlıların, o cümlədən İranda yaşayan azərbaycanlıların müdafiəsi üçün əlimizdən gələni edəcəyik. Onlar xalqımızın bir hissəsidir.

İranda tədrisin erməni dilində aparıldığı məktəblər var, ancaq Azərbaycan dilində tədrisin olduğu məktəb yoxdur. Bu necə ola bilər? Əgər kimsə deyirsə ki, bu, daxili işlərə müdaxilədir, biz bunu tamamilə rədd edirik. Azərbaycanın xarici siyasəti gün kimi aydındır – biz heç bir dövlətin daxili işinə qarışmamışıq və qarışmırıq. Biz İran məktəblərində Azərbaycan dilində tədris məsələsini ona görə qaldırırıq ki, əks təqdirdə, ana dilində danışan İran azərbaycanlıları dilin ədəbi komponentini itirirlər və Azərbaycan dili sadəcə məişət səviyyəsində qalır”.

İlham Əliyevin dünən ADA Universitetində keçirilən beynəlxalq konfransdakı bu çıxışı təkcə Tehrandakı mollaların deyil, Güneydəki və Quzeydəki manqurtların, qatı iranpərəstlərin də ciddi narahatlığına səbəb olub. 

Manqurtlar bu çıxışı dəstəkləmək əvəzinə, yenə də “biz iranlıyıq” deyib dururlar. Xüsusən də “Səhər” kanalında Azərbaycan dilində danışan xanım aparıcının və onun qonağı olan xanımların molla rejimini xüsusi canfəşanlıqla dəstəkləmələri lap ikrah doğurur. 

Əlbəttə, Güneyli soydaşlarımız arasında oyanıq insanlar, milli ruhun daşıyıcısı olan, müstəqilliyə can atan, o cümlədən Bütöv Azərbaycan idealı ilə yaşayan fəallar, mübarizlər də çoxdur. Lakin farsçılığa, molla ideologiyasına satılmışlar da var. Və molla rejimi məhz həmin satılmışlardan bizə qarşı istifadə etməyə çalışacaq. Necə deyərlər, bizi sapı özümüzdən olan “balta”larla vurmaq istəyəcəklər. 

Odur ki, eyforiyaya qapılmamalıyıq və “bütün güneylilər müstəqillik istəyir” deyib özümüzü aldatmamalıyıq. Nəzərə almalıyıq ki, mollalar hakimiyyətdə olduqları 40 ildən artıq müddət ərzində bir çox güneylilərin beyinlərini “yumağı” bacarıblar. Necə ki, vaxtilə sovet rejimi Azərbaycandakı bir çox insanların beyinlərini beynəlmiləlçilik, xalqlar dostluğu kimi cəfəng ideyalarla doldurub, qondarma “sovet insanı” düzəltmişdilər. 

Eyni, oxşar proses Güney Azərbaycanda da öz işini görüb. İranı farslardan betər müdafiə edən manqurt “azərbaycanlı”lar “ordu”su yetişib. Ona görə də biz bu manqurtları milli təfəkkürün daşıyıcısı olan güneylilərdən ayırmağı bacarmalıyıq. Mollalara və onların yetişdirdiyi manqurtlara qarşı daha effektiv mübarizə üsulları fikirləşməliyik.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)