Botsvanadakı Karove almaz mədənindən təxminən 499 qram ağırlığında indiyə qədər tapılmış ən böyük almazlardan biri aşkar edilib. Botsvana hökuməti dünyanın ikinci ən böyük almazının hasil edildiyini təsdiqləyib. 2 min 492 karatlıq nəhəngin mədəndən çıxarılan ikinci ən böyük daş olduğunu və sərgilənəcəyini bildirilib.

Bəhs edilən almaz çıxaran Kanadanın “Lucara Diamond Corp” şirkəti açıqlamasında Karove Mədənindən rentgen texnologiyasından istifadə edilməklə heç bir zədələnmədən çıxarılan xam almazın qeyri-adi və keyfiyyətli olduğunu bildirib.

“Lucara Diamond” prezidenti və icraçı direktoru Uilyam Lamb verdiyi açıqlamada “Bu qeyri-adi 2492 karat almazın üzə çıxarılmasından məmnunuq”, – deyib.

Botsvana hökuməti yeni kəşf edilən almazın Botsvana prezidenti Mokquitsi Masinin ofisində dünyaya təqdim ediləcəyini açıqlayıb. Masisi almazı ilk görən insanlardan biri olacaq.

Öz çəkisi ilə sözügedən almaz 1905-ci ildə Cənubi Afrikada tapılan 3106 karatlıq (təxminən 621 qram) “Cullinan Diamond”dan sonra son yüz ildə ikinci ən böyük almaz olacaq.

Əvvəllər Karove Mədənindən çəkisi 1000 karatdan çox olan dörd almaz çıxarılmışdı.

1758 karatlıq (təxminən 352 qram) “Sewelo Diamond” 2019-cu ildə Karove Mədənində, 1111 karatlıq (təxminən 222 qram) “Lesedi La Rona Almazı” isə 2017-ci ildə aşkar edilərək çıxaılan almazlar İngilis zərgər tərəfindən 53 milyon dollara alınmışdı.