vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
SAĞLAMLIQ  
21:47 | 28 aprel 2017 | Cümə Məqaləyə 2538 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İnsanı fikir qocaldır…

«Telomer effekti: daha gənc, daha sağlam və daha uzun ömrə inqilabi yanaşma»

MÖVZU İLƏ ƏLAQƏLİ

«The İndependent» qəzetində Olivia Blair yazır ki, insanlar daha cavan görünmək üçün antiqırış kremlərinə, botoksa və saç transplantasiyalarına on minlərlə funt sterlinq pul xərcləyirlər, amma halbuki bunun ən ucuz, daha doğrusu havayı yolu düşüncə tərzimizi dəyişməzimiz ola bilər.

Məqalədə deyilir ki, Nobel mükafatlı alim Elizabet Blakbörn (Elizabeth Blackburn) və sağlamlıq psixoloqu Eliza Epel (Elissa Epel) telomerlərin öyrənilməsinə illərlə vaxt sərf ediblər.

Onların yenicə çapdan çıxmış müştərək kitabı «Telomer effekti: daha gənc, daha sağlam və daha uzun ömrə inqilabi yanaşma» (The Telomere Effect: A Revolutionary Approach to Living Younger, Healthier and Longer) adllanır.

Bu kitabda söhbət insan beynindəki müəyyən fikirlərin telomerlərin qısalmasına təsirindən gedir. Telomerlərin qısalması isə sürətlə qocalmaya və erkən ölümə xidmət edir.

Bəs telomer nədir. Telomerlər bizim xromosomlarımızın uclarıdır. Onlar bir çox başqa faktorlarla yanaşı bizim necə yediyimiz, necə idman etdiyimiz barədə «qeydiyyat» aparırlar. Telomerlərin qısalması yaşlanma, ölüm və yaşlılıqla əlaqədar xəstəliklərə rəvac verir.

Blakbörn və Epel belə bir fikir irəli sürürlər ki, müəyyən düşüncə tərzləri telomerlərin qısalmasına səbəb olur.

Bunlardan birincisi «həyasız davakünlükdür». Bu düşüncə tərzi hiddət, habelə başqa adamlara etinasızlığın və inamsızlığın qarışığından ibarətdir.

«Davakün olan bəziləri yalnız düşünməklə qalmırlar. Onlar bunu hər addımda bəyan edirlər: «Mən baqqal dükanında növbəyə dayanmağa nifrət edirəm» və ya «Bu alıcını görürsən, özünü necə də məndən qabağa soxur?..», - deyə Blakbörn izah edir.

Alim deyir ki, həyasız davakün adamların ürək-damar xəstəliklərinə, metabolik pozuntulara məruz qaldıqları və erkən öldükləri artıq elmi cəhətdən sübut edilib.

Bizim telomerlərimizi qısaldan ikinci hiss pessimizm və ya bədbinlikdir. Blakbörn və Epelin öz araşdırmaları göstərib ki, bədbinlik testlərində yüksək nəticə göstərənlər daha qısa telomerlərə malikdirlər və daha erkən ölürlər.

İnsana mənfi təsir göstərən üçüncü düşüncə tərzi mövcud problemləri beyində zaman-zaman, təkrar-təkrar fırladıb «çürütməkdir». Belə düşüncə tərzinə malik insanlarda da telomerez prosesinin, yəni telomerlərin uzanmasının yavaşıdığı müşahidə olunub.

Dördüncü neqativ düşüncə tərzi, nə qədər qəribə səslənsə də, pis fikirləri və hissləri başdan atmaq cəhdləridir. Təcrübə göstərir ki, insan hər hansı hisslərdən xilas olmağa can atdıqca, bu hisslər və fikirlər onu daha çox girələyir. Bu vəziyyət də telomerləri qısaldır.

Nəhayət insanı vaxtsız qocaldıb erkən öldürən beşinci amil fikir və ya diqqət yayğınlığıdır. Fikir yayğınlığı insanın bir iş görərkən başqa bir şey haqqında düşünməsidir. Bu hiss bütün insanlara xasdır, amma bəzi peşələrdə, məsələn sürücülükdə qəzalara səbəb ola bilər.

Buna fikir dağınıqlığı da demək olar. Fikir yayğınlığı da telomerləri qısaldan faktordur.

Lakin müəlliflər əmindirlər ki, qocalmanı yavaşıtmaq, erkən ölümü uzağa itələmək mümkündür, çünki bu telomer dediklərinin qısaldıqları kimi uzanmaq xüsusiyyəti də var.

Başlıcası fikir burulğanından çıxmaqdır. Mümkündürmü?