Dünya birjalarında neftin qiyməti müxtəlif istiqamətlərdə dəyişib. Nyu-Yorkun «NYMEX» əmtəə birjasında keçirilən elektron ticarət əməliyyatlarının gedişində Qərbi Texas neftinin (WTI) qiyməti 1 barelə görə 0,69 dollar və ya 1,12 faiz artaraq 62,37 dollar təşkil olub.

«ICE London» qitələrarası birjasında «Brent» markalı neftin 1 barelinin dəyəri isə 0,22 dollar və ya 0,34 faiz ucuzlaşaraq 65,45 dollar təşkil edib.

***

Azərbaycanın dünya bazarına çıxardığı yüngül neftin də qiyməti 0,69 dollar və yaxud 1,04 faiz artıb.

«Azeri LT CIF» markalı neftin qiyməti 66,90 dollara bərabər olub.

Xatırladaq ki, «Azeri LT CIF» neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.