Neft ticarət müharibəsindəki dəyişikliklər və İran danışıqlarının təsiri ilə enişdədir. Qiymətlər ABŞ-ın ticarət müharibəsindəki son addımları və həftə sonu Vaşinqton və Tehran arasında danışıqların təsiri altında dörd ilin minimumunun bir qədər yuxarısında qərarlaşıb.

“Brent” nefti iki həftə ardıcıl itkilərdən sonra barrel üçün 65 dollar ətrafında ticarət edilib, ABŞ xam nefti isə 61 dolların üzərində alınıb. ABŞ prezidenti Donald Tramp müxtəlif məişət elektronikası məhsullarına idxal rüsumlarını dayandırsa da, yaxın vaxtlarda konkret tarifin açıqlanacağına da işarə edib.

Bu arada İranla gərginliyin azalması tədarükün yaxşılaşması ehtimalını gündəmə gətirib. Omanda keçirilən həftə sonu danışıqları 2022-ci ildən bəri ilk yüksək səviyyəli təmas olub və Tehranın nüvə proqramı ilə bağlı çıxılmaz vəziyyəti həll etmək üçün səylərin yenilənməsinə işarə edib. Hər iki tərəf yenidən görüşməyə razılaşıb.

Xam neftin qiymətləri aprel ayında xüsusilə ABŞ və Çin arasındakı gərginlik səbəbindən kəskin şəkildə aşağı düşüb. İnkişaf enerji tələbatına zərər verəcək qlobal tənəzzül qorxusunu artırıb. Digər tərəfdən, “OPEC+”nın hasilatı yenidən gözlənildiyindən daha sürətli artırmaq barədə sürpriz qərarı da azalma tendensiyasını dəstəklədi.