II Dünya Müharibəsi zamanı yoxa çıxan və dağın altındakı gizli tunellərdə olduğu iddia edilən 3 vaqon faşist qızılının Polşanın Valbrşix şəhərinin dağlıq bölgəsində olması barədə şəhər idarəçilərinə məktub çatdırılıb. Məktub açıqlananda böyük həyəcan var idi. Müharibə zamanı dağ altında gizli tunellərdə gizlədilən qiymətli metalın tapıldığı bildirilib. Valbrşix şəhərinin səlahiyyətliləri aldıqları məktubda hadisəni təsdiqləyib və araşdırmaya başladıqlarını bildiriblər.

***

Polşa səlahiyyətliləri, İkinci Dünya Müharibəsi sonunda itən nasistlərin əfsanəvi qızıl qatarının yerinin olduğunu iddia edən bir məktub aldıqlarını söyləyib. 23 aprel tarixli məktuba əsasən, adının açıqlanmasını istəməyən göndərici yazıb ki, o, ölkənin cənub-qərbindəki Valbrziç şəhəri yaxınlığındakı tuneldə gizlədilmiş “kamuflyajlı qatar vaqonları” tapıb.

Rəvayətə görə, müharibənin son aylarında faşist zirehli qatarı Vroslavı tərk etdi, lakin iki stansiya arasındakı yeraltı tunel şəbəkəsində gizlənərək Valbrşixa çata bilmədi.

Qatardakı qızıllar, zinət əşyaları və sənət əsərləri yoxa çıxıb və o vaxtdan xəzinə ovçuları onları tapmağa çalışırlar.

İndi isə varlığı bir çox tarixçi tərəfindən mübahisələndirilən qənimətlə dolu qatarın bölgədəki gizli tuneldə yerləşdiyinə dair iddiaların yer aldığı Valbrşix səlahiyyətlilərinə göndərilən məktubun ciddiyə alındığı bildirilib.

***

“İkinci Dünya Müharibəsi dövrünə aid 3 qatar vaqonu kamuflyajlı tuneldə gizlədilib. Hər vaqonun uzunluğu təxminən 12, eni 4 və hündürlüyü 4 metrdir. Vaqonlar tunelin girişindəki bağlı, sürüşən polad qapının arxasında gizlənib. Vaqonlarda qızıl da daxil olmaqla qiymətli metallar var. Dəqiq geodeziya məlumatları onun ixtiyarında ola bilər”, – deyə məktubu göndərən şəxs bildirib.

“Təfərrüatlarını açıqlaya bilmədiyim bir adam mətbuatın “qızıl qatar” adlandırdığı kəşflə bağlı reportaj hazırladı. Məktubda sənədləşdirilmiş və konkret görünür. Məktubda dörd əlavədən bəhs olunur, onlardan biri içərisində qatar olan tuneldir”, - Valbrşix Bələdiyyəsinin sözçüsü Kamila Şvierçinska bildirib.

“Müxtəlif mənbələri və sənədləri araşdırandan sonra adam belə qənaətə gəlib ki, içərisində qızıl qatarı olan tunel tapıb”, – Valbrşix əyalətinin Abidələrin Mühafizəsi İdarəsinin rəhbəri Anna Novakovska bildirib.

İkinci Dünya Müharibəsinin son aylarında Polşanın cənub-qərbindəki Vroslav şəhərində (o vaxt Breslau kimi tanınırdı və Almaniyanın bir hissəsi idi) nasist məmurları irəliləyən Sovet ordusundan xilas olmaq üçün qatar vaqonlarını qənimətlə doldurdular. Qənimətə çarların əfsanəvi Kəhrəba otağından olan xəzinələrin də daxil olduğu bildirilir.

Kəhrəba panellərindən ibarət otaq 1941-ci ildə nasist qüvvələri tərəfindən Leninqradın kənarındakı saraydan qarət edilib və o vaxtdan bəri görünməyib.

Valbrşix səlahiyyətliləri bildiriblər ki, son açıqlamalar verən şəxs qatarda axtarış aparmaq üçün icazə üçün müraciət etməyib.