
İran-İsrail gərginliyinin tarixi
Hücumlar, sui-qəsdlər və əməliyyatlar
Hücumlar, sui-qəsdlər və əməliyyatlar
Təl-Əvivdən tüstü yüksəlir
7 oktyabrdan nüvə təhlükəsinə və geri dönməz zərbəyə doğru
İsrailin İrandakı əməliyyatının adı nə məna daşıyır?
İsrail hücumu təsdiqləyib, İran isə raketlərlə cavab verib
İsrailin İrana hücumları davam edir
İrana hücum qonşularında təhlükəsizliyi gücləndirdi
İsrail-İran gərginliyi hər iki ölkənin müdafiə qabiliyyətini sınaqdan keçirir
“Vəziyyət normallaşdıqdan sonra qaldırılacaq”
İsrail İranda rejimi dəyişməyə çalışır
İran və İsrail ordularının müqayisəsi – müdafiə büdcələri, quru və hava qüvvələri, silahların sayı...
İranın dərinliklərindəki hədəfləri vurmaq üçün yüksək texnologiyalı gizli taktika
Netanyahu: “Nüvə və raket proqramlarının mərkəzinə hədəf aldıq”
“İndi razılaşmasa, növbəti hücumlar daha qəddar olacaq”
İsrail aviasiyası Komanda mərkəzinə zərbə vurub, Xameneyidən yeni təyinatlar
İran 40 illik proksi qüvvələr siyasəti iflasa uğradı
İsrail hərbçiləri Fələstinin Qəzza zolağına doğru hərəkət edən, göyərtəsində “ekofəal” Qreta Tunberqin və digər ictimai fəalların da olduğu “Madleen” gəmisini saxlayıb.
“The Times of Israel” nəşrinin ölkənin Xarici İşlər Nazirliyinə (XİN) istinadla yaydığı məlumatda bildirilir ki, gəmiyə daxil olan hərbçilər onu İsrail sahillərinə doğru yönləndirib. İyun ayının əvvəlində Siciliya sahillərindən yola düşən “Madleen” yaxtasında 12 nəfər fəal olub. Onlar Qəzza zolağına humanitar yardım çatdırmaq niyyətində olduqlarını bildiriblər.
İsrail XİN isə “ekofəal”ların sözügedən “humanitar yardım” aksiyasına kəskin reaksiya verib: “Qəzzaya humanitar yardım çatdırmağın Instagram selfilərini əhatə etməyən yolları da var”.
Nazirlik əlavə edib ki, fəalların gətirdiyi "cüzi miqdarda humanitar yardım" rəsmi humanitar kanallar vasitəsilə Qəzzaya çatdırılacaq.
İsrail XİN-in aaçıqlamasında o da qeyd olunub ki, Tunberq və tərəfdaşları əslində media provokasiyası həyata keçirməyə çalışıblar:
“Qreta və digərləri diqqəti özlərinə çəkməyə çalışdığı və bir yük maşınından da az humanitar yardım ehtiva edən aksiya keçirdiyi bir vaxtda, son iki həftə ərzində İsraildən Qəzzaya 1200-dən çox yük maşını ilə yardım göndərilib. Bundan başqa, Qəzza Humanitar Fondu birbaşa mülki vətəndaşlara 11 milyon yemək paylayıb”.
Tunberq və dəstəsinin olduğu gəminin İsrail hərbçiləri tərəfindən saxlanılması dünyada böyük rezonans doğurub. Fələstinə rəğbət bəsləyən qüvvələr dünyanın hər yerində İsrailin bu addımını sərt şəkildə qınayırlar. Qreta Tunberqə də elə bu lazım idi.
Bizim isə (Azərbaycan və Türkiyənin) Qreta Tunberqi dəstəkləməyimizə gərək yoxdur. Çünki bu dələduz və təxribatçı qızcığaz Qarabağdakı keçmiş erməni separatçılarını sıx dəstəkləyirdi və 2023-cü ilin 19-20 sentyabrındakı antiterror əməliyyatından sonra hətta Tbilisidə Azərbaycanın əleyhinə aksiya da təşkil etmişdi.
2024-cü ilin noyabr ayında isə Türkiyənin Diyarbəkr bölgəsinə və Van şəhərinə “iqlim fəalı” kimi səfər edən Q.Tunberq həmin ərazini özünün sosial media hesabında “Kürdistan” kimi qeyd etmişdi. Ümumiyyətlə, bu qalmaqallı “ekofəal” hal-hazırda özünü buraxdığını elan edən PKK terror təşkilatına rəğbəti ilə tanınır.
Əlbəttə, biz Beniamin Netanyahu hökumətinin Qəzza sakinlərinə qarşı aqressiv mövqeyini dəstəkləmirik. Lakin erməni separatizminin və PKK terrorçularının dəstəkçisi kimi tanınan dırnaqarası "ekofəal" Qreta Tunberq üçün də göz yaşı axıtmaq fikrimiz yoxdur.