Qlobal səhmlər sabah açıqlanacaq ABŞ-ın əmək haqqı məlumatlarından əvvəl dar bir zolaqda hərəkət edir. ABŞ prezidenti Donald Trampın Yaponiyaya gömrük rüsumları tətbiq etməklə hədələməsindən sonra Yaponiya səhmləri ucuzlaşıb.

Asiya fond bazarları keçən həftə müşahidə edilən zirvələrdən aşağı düşüb. Çin fond bazarları bu gün volatil idi.

Tramp Yaponiyanı ABŞ-dan düyü almadığı üçün rüsumları artıracağı ilə hədələyəndən sonra “Nikkei 225” indeksi inkişafla 0,2 faiz azalıb.

Cənubi Koreyada “Kospi” indeksi 0,9 faiz azalıb, Honq Konqda “Hang Seng” indeksi isə 0,7 faiz yüksəlib. Çində Şanxay Kompozit İndeksi sabit qalıb.

Dollar indeksi son 3 ilin ən aşağı səviyyəsinə düşüb. “S&P 500” fyuçersləri bahalaşıb.

Tramp, ticarət tərəfdaşlarına daha yüksək tariflər tətbiq etmək üçün 9 iyul tarixini gecikdirməyəcəyini söylədikdən sonra investorlar iqtisadi məlumatları və ticarət gərginliyini diqqətlə izləyirlər.

“Bloomberg” sorğusuna görə, ABŞ-da tətil səbəbilə iyulun 4-dən 1 gün əvvəl – sabaha açıqlanacaq əmək haqqı məlumatlarının 110,000 artacağı, işsizlik nisbətinin isə 4,2 faizdən 4,3 faizə yüksələcəyi gözlənilir. May ayında məşğulluq 139 min nəfər artıb.

ADP-nin özəl sektor məşğulluq göstəricisi də bu gün izləniləcək.

Məşğulluq məlumatları ilə bağlı “IG Australia Pte.”də bazar strateqi Toni Sikamor, “Hesabat gözləniləndən daha yumşaq olarsa, bu, FED-də mülayimliyə güclü dəstək verəcək. Hesab edirəm ki, iyul ayında faiz endiriminin mümkünlüyü artacaq”, – deyib.