Neft təxminən iki həftənin ən böyük artımından sonra ucuzlaşıb. İnvestorlar ABŞ və ticarət tərəfdaşları arasında danışıqları və bu həftəsonu keçiriləcək OPEC+ toplantısını izləyirlər.

Dünən “Brent” markalı neft 3 faiz sıçrayışdan sonra bir barel üçün 69 dollar ətrafında ticarət edilib, ABŞ xam nefti (WTI) isə 67 dolların üzərində qalıb. Birləşmiş Krallıq və Çin ilə iyulun 9-na kimi son tarixdən əvvəl əldə olunan razılaşmalardan sonra ABŞ prezidenti Donald Tramp Vyetnamla ticarət sazişi imzaladığını açıqlayıb.

Xam neft son həftələrdə dəyişkən olub, Yaxın Şərqdəki geosiyasi risklərə uyğun olaraq yüksəlib və azalıb. Bununla belə, həm dəyişkənlik, həm də ticarət həcmi sabahkı ABŞ tətili ərəfəsində azalıb. Bazarın diqqəti neft tələbini təhdid edən ticarət danışıqlarına və tariflərə yönəlib, eyni zamanda, iyunun 6-dakı OPEC+ görüşündə qrupun hasilat kvotalarında yeni və böyük artımla bağlı razılığa gəlməsi gözlənilir.

ABŞ-da ölkə üzrə xam neft ehtiyatları 3,8 milyon barel artaraq, may ayından bəri ilk həftəlik artım olub. Oklahoma ştatının Cuşinq şəhərindəki neft anbar mərkəzindəki ehtiyatlar ardıcıl dördüncü həftə azalaraq bu mövsüm 2014-cü ildən bəri ən aşağı səviyyəyə çatıb.