ABŞ-da iyul ayına dair istehlak qiymətləri göstəriciləri öncəsi bazarlarda ehtiyatlı gözləmə üstünlük təşkil edir.

“Wall Street” birjaları bugünkü kritik inflyasiya məlumatı öncəsi böyük riskdən çəkinərək, səhm qiymətləri dünən bütün zamanların ən yüksək səviyyəsinə qalxdıqdan sonra sürətini azaldıb.

Dövlət istiqrazları dalğalanıb. Dolar indeksi 0,3% yüksəlib. Hesabat mövsümü demək olar ki, başa çatmaq üzrədir və sərmayəçilər FED-in sentyabr ayında faiz endiriminə gedib-getməyəcəyinə dair göstəricilər üçün iqtisadi göstəricilərə yönəlib.

Trampın Çinlə ticarət atəşkəsini 90 gün daha uzadacağı xəbəri bazara çox təsir etmədi. “S&P 500” 6,400 səviyyəsinin altında qalıb.

“Apple Inc.” 2020-dən bəri ən yaxşı həftəsini keçirdikdən sonra geriləyib. “Intel Corp.”un səhmləri isə CEO-nun Tramp ilə görüş gözləntisi ilə artıb. “Bitcoin” qısa müddətə 122 min dollara yüksəldi. Tramp qızıl idxalının ABŞ gömrük rüsumlarına tabe olmayacağını açıqladıqdan sonra qızıl fyuçersləri itkilərini qoruyub.

ABŞ və Avropa fyuçers indeksləri az da olsa artımda qaldı. Trampın ABŞ şirkətlərinin Çinə bəzi çip satışlarını yenidən başlatmasına icazə vermək niyyəti və Pekinlə ticarət atəşkəsi bazarları dəstəkləyib.

Asiya texnologiya səhmləri, “Advantest Corp.” kimi çip istehsalçılarının gəlirlərinin liderliyi ilə yüksəlib. “Micron Technology Inc.”nin proqnozları və “Intel Corp.”dakı gərginliyin azalacağına dair siqnallar da bazarları canlandırıb.

Yaponiya “Nikkei 225” indeksi “Softbank Group Corp.”un yüksəlişi ilə 2,4% artaraq rekord səviyyəyə çatıb. Yen ardıcıl üçüncü gündür dəyər itirərkən, dolar indeksi 0,1% azalıb.