“JPMorgan” (JPM) analitikləri “Bitcoin”in hazırkı qiymət səviyyəsini aşağı qiymətləndirərkən, ilin sonuna qədər 126.000 dollar potensialını proqnozlaşdırıblar. Nikolaos Panigirtzoglou rəhbərliyindəki analitik qrupun hazırladığı hesabatda, “Bitcoin”in volalitliyinin tarixi aşağı səviyyələrə enməsinin bu qiymətləndirməyə təsir etdiyi bildirilib. İl əvvəli təxminən 60% səviyyəsində olan “Bitcoin” volalitliyi hazırda 30% civarındadır.

Analitiklər qeyd ediblər ki, bu eniş “Bitcoin”in ədalətli dəyərinin altında qiymətləndirildiyini göstərir. Hesabatda “Bitcoin”in qiymətinin qızılla müqayisədə əhəmiyyətli dərəcədə aşağı qiymətləndirildiyi vurğulanıb. Panigirtzoglou “The Block”a verdiyi açıqlamada, 126.000 dollar səviyyəsinin “yuxarı yönlü hədəf” olduğunu və bu hədəfə 2025-ci ilin sonuna qədər çatılacağını proqnozlaşdırdıqlarını bildirib.

JPM hesabatında “Bitcoin” qiymətində nisbətən sabitliyin səbəbi kimi korporativ alımlar önə çıxarılıb. Panigirtzoglou bildirib ki, şirkətlərin elektron pulqabıları ümumi “Bitcoin” təklifinin 6%-dən çoxuna sahibdir. Bu vəziyyətin, istiqraz bazarında mərkəzi bankların monetar genişlənmə dövrlərində oynadığı rola bənzədiyi qeyd olunub.

Korporativ oyunçuların Bitcoin bazarına artan marağı qiymət hərəkətlərinin daha nəzarətli şəkildə baş verməsinə səbəb olur və həddindən artıq dalğalanmalara qarşı tampon rolunu oynayır. Analitiklər vurğulayıblar ki, bu yeni struktur “Bitcoin”in daha az spekulyativ və daha çox korporativ investisiya aləti halına gəldiyini göstərir. JPM bu trendin davam etməsi ilə “Bitcoin”in bazar dəyəri və ticarət səviyyəsində daha sabit bir quruluşa sahib olacağını proqnozlaşdırır.