Dünyanın ən böyük istehsalçısı olan Çində təmizlənmiş mis istehsalında nadir hallarda rast gəlinən azalma səbəbindən mis qiymətləri yüksəlib.

Xammal kimi qırıntı (scrap) misə yönəlmiş yeni vergi qaydalarının təklifi məhdudlaşdıracağı gözlənildiyi halda, bu ay istehsalın azalacağı proqnozlaşdırılır.

London Metal Birjasında üç aylıq mis kontraktları 0,29% artaraq metrik ton üçün 9 927 dollara qalxıb və həftəlik 0,25%-lik qazanc yolunda irəliləyir.

“Şanxay Fyüçers Birjası”nda isə ən çox ticarət olunan müqavilə 0,19% enərək 79 830 yuan (11 160 dollar) səviyyəsinə düşsə də, həftəlik nəticə etibarilə 0,1% yüksəlişdə qalıb.

Sentyabr və oktyabr ayları Çində mövsümi sənaye fəallığının təsiri ilə mis tələbinin güclü olduğu dövrlər hesab olunur. “Everbright Futures” analitikləri bildirirlər ki, aşağı emal göstəriciləri və “scrap” təchizatındakı çətinliklər fonunda idxal zəif qalsa da, istehlakda canlanma gözlənilir.

Həftəlik 0,4% artan dollar isə metal qiymətləri üzərində təzyiqi qorumaqda davam edir.

Digər LME metallarında alüminium 0,15%, qurğuşun 0,13%, qalay 0,07% və sink 0,02% artıb, nikel isə 0,2% ucuzlaşıb. ŞFE-də alüminium 0,05% yüksəlib, nikel 0,59%, qurğuşun 0,03%, qalay 0,42% və sink 0,23% enib.

Bazarlar indi Bakı vaxtı ilə 16:30-da açıqlanacaq ABŞ qeyri-kənd təsərrüfatı məşğulluq hesabatını gözləyir.