Qarabağ münaqişəsinin nizamlanması Vaşinqtonla Moskva arasında münasibətlərin yaxşılaşması üçün unikal imkan verir.

Virtualaz.org xəbər verir ki, bunu «Amerikanın səsi»inə müsahibəsində Minsk Qrupunun keçmiş amerikalı həmsədri Kerri Kavano «Amerikanın səsi»inə müsahibəsində deyib. Kerri Kavao bu günlərdə Dağlıq Qarabağ münaqişəsinə dair geniş məqalə ilə çıxış etmişdi.

«Birmənalıdır ki, prezident Tramp Rusiya ilə münasibətləri qaydaya salmaq istərdi. Əminəm ki, Dağlıq Qarabağ münaqişəsi buna imkan yarada bilər, imkan verər ki, Rusiya və ABŞ birlikdə effektiv işləyərək münaqişənin dinc nizamlanmasına nail olsunlar», - keçmiş diplomat deyib.

Kavano hesab edir ki, Suriya və Ukraynadan fərqli olaraq Qarabağ məsələsində ABŞ və Rusiyanın hədəfləri bir-birinə yaxındır. «Mən bundan əvvəlki məqaləmdə ABŞ-ın yeni administrasiyasına siqnal göndərmək istədim: bax bu sahəyə yönəlin, hansı ki, ABŞ və Rusiya iki onillikdir ciddi əməkdaşlıq edir», - o deyib.

Digər keçmiş diplomat, Xarici Əlaqələr Şurasının analitiki Uayan Meri isə ötən ilin aprel müharibəsini yada salaraq Moskvanın hərbi əməliyyatların dayandırılmasındakı mühüm rolunu qeyd edib. «Məhz Rusiyanın sayəsində bu qarşıdurmanın genişlənməsini dayandırmaq mümkün oldu», - o bildirib. Uayan Meri hesab edir ki, Qarabağda müharibə heç kimin maraqlarına cavab vermir. «İndiki halda müharibə hamı üçün məğlubiyyət olacaq, müharibə bütün tərəflərin maraqlarına qarşıdır», - o deyib.

Keri Kavano isə sözlərinə davam edərək deyib ki, müharibənin yenidən başlamayacağı məsələsində optimist deyil. Onun fikrincə nə qədər ki, real sülh prosesi mövcud deyil, Qarabağda müharibə təhdidi qalacaq. Belı şərtlərdə keçmiş həmsədr hesab edir ki, təmas xətti boyu atəşkəsin kimin tərəfindən pozulduğunu müəyyən etmək üçün xüsusi avadanlıqların yerləşdirilməsinə dair erməni tərəfinin təşəbbüsünü dəstəkləmək lazımdır. «Mən əvvəl buna qarşı idim, lakin indi atışmaların daha intensiv xarakter aldığı bir vaxtda belə qurğular çox qiymətli ola bilərdi. İmkan verərdi ki, beynəlxalq vasitəçilər atəşkəsi birinci hansı tərəfin pozduğunu müəyyən etsin», - Kerri Kavano bildirib.

Xatırladaq ki, təmas xəttində atəşkəsi izləmək üçün xüsusi avadanlıqların yerləşdirilməsinə dair təşəbbüs Amerikadakı erməni dairələri tərəfindən qaldırılmışdı və bir müddət əvvəl Dövlət Departamenti bu təşəbbüsü dəstəkləyib onu Azərbaycan tərəfinə qəbul etdirməyə cəhd etmişdi. Lakin rəsmi Bakı bu və status-kvonu uzatmaqdan başqa heç nəyə yaramayan istənilən bu cür mənasız təşəbbüsləri rədd edib.