
Qara dənizdə ekoloji fəlakət
1 tondan çox xam neft dənizə axdı
1 tondan çox xam neft dənizə axdı
Neft bazarı üç ay sonra ilk aylıq enişə hazırlaşır
İlin sonuna qədər qiymətlərin kəskin düşəcəyi gözlənilir
Rusiya-Ukrayna sülh razılaşmasına dair ümidlər azalarkən ...
ABŞ ehtiyatları və Hindistana tarifləri qiymətlərə təsir etdi
Ümumi dəyər 9 faiz azalaraq 1,11 milyard dollara enib
Hindistan tarifləri sonrası neftdə ucuzlaşma davam edir
Amma gözləntilərdən zəif oldu
BTC ilə daşınan neft 2 faiz azalıb
“Goldman Sachs” ən bədbin neft proqnozu
10 neft emalı zavodunu vuruldu, Moskva istehsal gücünün 17%-ni itirdi
Rusiya tədarükü və sanksiya riskləri gündəmdə
Ukrayna-Rusiya müharibəsi qara qızıl narahatlığını artırdı
Qiymət demək olar dəyişməyib
ABŞ neft ehtiyatları xəbəri birjalara təsir edib
Qara qızıl ehtiyatlar isə 6 milyon barel azalıb
«Mən dəfələrlə demişəm ki, sənaye üsulu ilə ilk neft Azərbaycanda çıxarılıb, ancaq onun yeri dəqiq bilinmirdi. Ona görə mən tapşırıq verdim ki, o yer müəyyən olunsun. Əlbəttə ki, biz bilirdik bu, Bibiheybət ərazisində olubdur, ancaq indi onun yeri də dəqiqləşdi və gözəl bir abidə yaradıldı. Hesab edirəm ki, bu, həm neftçilər, həm də ölkəmizə gələn turistlər üçün çox gözəl hadisədir».
Xezerxeber.az-ın məlumatına görə, bunu aprelin 26-da SOCAR-ın Bibiheybət mədəninin ərazisində dünyada sənaye üsulu ilə qazılmış ilk quyunun bərpadan sonrakı vəziyyəti ilə tanış olan Azərbaycan prezidenti İlham Əliyev deyib.
Dövlət başçısı qeyd edib ki, neftin vətəni Azərbaycandır, neft sənayesi buradan başlanıb: «Bu gün - artıq 200 ilə yaxın vaxt keçəndən sonra da Azərbaycan dünyada neft ölkəsi, qaz ölkəsi kimi öz sözünü deyir. Bu gün bizim neftimiz xalqımıza məxsusdur. O vaxt biz çar Rusiyasının tərkibində idik və buradan çıxarılan təbii ehtiyatlar xalqımızın güzəranına o qədər də təsir etmirdi. Kasıbçılıq, səfalət idi. Azərbaycan xalqı böyük bir sərvətin sahibi idi, ancaq özü bu sərvətdən istifadə edə bilmirdi. Sovet dövründə də Azərbaycan neft respublikası kimi özünü göstərmişdir. İkinci Dünya müharibəsi dövründə Azərbaycan neftçilərinin əməyi olmasaydı, müharibənin nəticələri tam başqa cür ola bilərdi. Azərbaycan neftçiləri faşizm üzərində Qələbədə həlledici rol oynayıblar. Biz bu il 2 milyard ton neftin hasil olunmasını qeyd edəcəyik. Təsəvvür edin, əgər Azərbaycan müstəqil ölkə olsaydı, indi dünyanın ən zəngin ölkələrindən biri olacaqdı».
Prezident qeyd edib ki, neft bu gün xalqa xidmət edir, dövləti gücləndirir: «Bax, bütün bu ərazi hələ də neft buruqları ilə doludur və birinci quyu da burada qazılıb. Bu ərazinin fotoşəkilləri, videogörüntüləri var. Onlar yaxın tarixin görüntüləridir. Bura ekoloji fəlakət zonası idi. Hər tərəfdə neft gölməçələri, köhnə buruqlar var idi, ərazi neftlə çirklənmişdi. İndi bu ərazi şəhərimizin ən abad yerlərindən birinə çevrilibdir. Yəni, biz neftdən gələn gəliri ölkəmizin inkişafına yönəltdik, insan kapitalına, infrastruktur layihələrinə qoyduq və bu gün neft Azərbaycan xalqının inkişafını təmin edir. Bax, müstəqillik budur və 25 il müstəqil dövlət kimi yaşayan Azərbaycan bu gün ayaqda möhkəm dayanır. Neft bizim təbii sərvətimizdir, xalqımızın böyük sərvətidir, biz də ondan istifadə edib ölkəmizi inkişaf etdiririk. Əlbəttə, neftçilərin də burada əməyi xüsusi qiymətə layiqdir. Mən həmişə neftçilərin əməyini, onların cəsarətini qiymətləndirirəm. Onlar ağır şəraitdə çalışırlar, ölkəmizin inkişafı üçün işləyirlər. Çalışırlar ki, öz əməyi ilə ölkəmizi gücləndirsinlər.
Bugünkü hadisə də tarixi hadisədir. Biz artıq o tarixi həqiqəti, bax, burada əyani şəkildə bütün dünyaya nümayiş etdiririk. Əminəm ki, şəhərimizə gələn bütün qonaqlar çox böyük maraqla buraya gəlib, bax, bu buruğun önündə şəkil çəkdirəcəklər».