vaxtlı-vaxtında oxuyun! Bazar, 3 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
SƏNAYE - AĞIR, YÜNGÜL, AQRAR  
14:39 | 11 avqust 2017 | Cümə Məqaləyə 3937 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Yaydır, amma meyvənin qiyməti düşmür»

Millət vəkili: «Görünür, hansısa məmurlara bu sərf etmir...»

MÖVZU İLƏ ƏLAQƏLİ

«Ekspertlər payızda qiymətlərin, inflyasiyanın artacağını deyirlərsə, yəqin, əsasları var. Amma benzinin qiymətinin bahalaşması artıq özünü bazarda göstərib».

Deputat Fərəc Quliyev payızda Azərbaycanda qiymətlərin artacağı ilə bağlı ekspert proqnozlarını belə dəyərləndirib.

Deputat deyir ki, kimin nə deməsindən asılı olmayaraq, benzinin bahalaşması bazara təsirini göstərib:

«Baxın, yay aylarıdır, amma meyvənin qiyməti düşmür. Digər tərəfdən iqtisadi artım da yoxdur, əksinə, 1.3 faiz həcmində azalma baş verib».

F.Quliyev üstəlik, belə bir narahatlıq dilə gətirib ki, payızda dollara tələbat artacaq. Bu da qiymət artımına təsir edə bilər.

Deputat vurğulayır ki, qeyri-neft sahəsində artım olmasına baxmayaraq, idxaldan asılılıq hələ də qalmaqdadır. Onun fikrincə, idxal edilən məhsulların çoxunu ölkədə istehsal etmək imkanları var: «Amma, görünür, hansısa məmurlara bu sərf etmir...».

Deputat hesab edir ki, sahibkarlara dəstək artırılmalı və ölkəyə xarici investisiya cəlbi sürətləndirilməlidir: «Əgər bunlar olmayacaqsa, o zaman payızda bahalaşma və inflyasiyanın artması da mümkündür. Bir sözlə, çox şey hökumətin davranışından asılı olacaq».

Azərbaycanda Aİ-92 markalı benzin bu il iyulun 15-də bahalanıb. Onun litri 70 qəpikdən 90 qəpiyə qaldırılıb.