vaxtlı-vaxtında oxuyun! Bazar ertəsi, 26 sentyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
GÜNDƏM  
12:54 | 24 oktyabr 2017 | Çərşənbə axşamı Məqaləyə 2646 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ağalarov ultimatum verib?

«İndiki məzənnəsi ilə bu işləri başa çatdırmaq mümkün deyil»

MÖVZU İLƏ ƏLAQƏLİ

Rusiyada keçiriləcək Futbol üzrə 2018-ci il Dünya Çempionatının keçiriləcəyi stadionların tikintisini həyata keçirən podratçılar rublun dəyərdən düşməsindən sonra onlara ayrılan vəsaitlərin tikinti işlərini başa çatdırmağa kifayət etmədiyinə görə narazılıq edirlər.

Virtualaz.org versia.ru saytına istinadən xəbər verir ki, Volqoqrad və Nijny Novqorod şəhərlərindəki stadionlarının tikintisini həyata keçirən «Stroytransgaz» şirkətinin rəhbəri, Putinin dostu, oliqarx Gennadi Timçenko hökumətə az qala ultimatum verib: əgər müqavilədə nəzərdə tutulmuş məbləği 15 milyard rubldan 18-20 milyard rubla qaldırmasalar onun şirkətləri tikintidən imtina edəcək.

Saytın yazdığına görə buna oxşar ultimatumu Kalininqrad və Rostovda stadionların tikintisini həyata keçirən «Crocus Group» şirkətinin rəhbəri Araz Ağalarov da irəli sürüb. Podratçılar narazıdır ki, stadionların tikintisi üçün nəzərdə tutulan büdcə devalvasiyadan əvvəl tərtib edilmişdi. Hazırda isə rublun indiki məzənnəsi ilə bu işləri başa çatdırmaq mümkün deyil. Hökumət isə əlavə pul ayırmaq istəmir.

Xatırladaq ki, devalvasiya ilə əlaqədar stadionların tikintisinə ayrılan vəsaitlərin bəs etməyəcəyini ötən il Ağalarov özü də «Kommersant»a müsahibəsində bildirmişdi.

«Rublun devalvasiyası hər şeyi alt-üst etdi. Devalvasiya üzündən podratçılardan heç biri təsdiq olunmuş büdcə ilə bu işlərin öhdəsindən gələ bilməyəcək. Hazırkı kursla bir obyektin tikintisi təxminən 200 milyon dollara başa gəlməlidir. FİFA tarixində belə şey olmayıb. Bundan əvvəl çempionatı qəbul edən Braziliyada bir stadionun tikintisi 400 milyon dollara başa gəlmişdi. Hələ onlarda iqlim şərtləri bizdən xeyli yaxşıdır», - Ağalarov həmin müsahibədə deyib.