vaxtlı-vaxtında oxuyun! Çərşənbə axşamı, 15 iyun 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
GÜNDƏM  
17:55 | 25 aprel 2019 | Cümə axşamı Məqaləyə 1341 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Rusiya müharibəyə qatılmayacaq”

Ekspert: “Gümrüdəki baza Ermənistanı qoruyur”

MÖVZU İLƏ ƏLAQƏLİ

“Rusiyanın Gümrüdə yerləşən bazası bu dövlətin NATO sərhədlərində mövcud olan hərbi təminatlarından biridir. Ona görə, şimal qonşumuz mütəmadi olaraq burada özünün silahlı qüvvələrini gücləndirir, yeni texnikalar yerləşdirir”.

Bu barədə Modern.az-a Rusiyanın Ermənistandakı hərbi bazasının gücləndirməsinin pərdəarxası məqamlarını izah edərkən “Azeri Defence” hərbi-texnoloji jurnalının təsisçisi və baş redaktoru, hərbi-jurnalist  Rəşad Süleymanov danışıb. O qeyd edib ki, Rusiyanın tək Gümrüdə deyil, digər zonalarda yerləşən hərbi bazaları da daim yenilənir:

“Düşünürəm ki, bu bazanın gücləndirilməsinin Azərbaycana qarşı hər hansı bir təhlükəsi yoxdur. Hərbi baza Ermənistanı qorumaq məqsədi daşıyır. Azərbaycanın isə Ermənistana hər hansı ərazi iddiaları, torpaq əldə etmək fikri yoxdur. Biz sadəcə öz işğal olunmuş torpaqlarımızı geri qaytarmağa, ərazi bütövlüyümüzü təmin etməyə çalışırıq. Rusiya da Azərbaycanın ərazi bütövlüyünü tanıyır. Ona görə düşünmürəm ki, Qarabağda savaş zamanı Rusiya hərbi bazaları istifadə ediləcək.

Bütün bunlara rəğmən Rusiya hərbi bazasının silahlanması zamanı köhnəlmiş texnikalar Ermənistan silahlı qüvvələrinə və Ermənistan-Rusiya birgə əməliyyat briqadasına verilir. Hətta 2006-cı ildən başlayaraq, hər il müəyyən sayda hərbi texnikanın Gümrü bazasından çıxarılaraq, Ermənistan Müdafiə Nazirliyinin sərəncamına verilməsinin şahidi oluruq. Bu proses birgə əməkdaşlıq, hərbi yardım proqramları çərçivəsində həyata keçirilir”.

Rusiyanın Gümrü bazasının gücləndirməsinin Azərbaycan-Türkiyə yaxınlaşmasına siyasi mesaj olduğu barədə iddialara gəlincə, R. Süleymanov bununla razılaşmayıb. O hesab edir ki, Rusiyanın Azərbaycan –Türkiyə hərbi birliyinə, birgə hərbi təlimlərinə cavab olaraq, Ermənistandakı hərbi bazasını gücləndirməsinin məntiqi əsası yoxdur:

“Çünki hər bir ölkə öz ordusunu, hərbi bazalarını  gücləndirmək məqsədi güdür. Azərbaycanın isə hər hansı bir dövlətin hərbi yardımına ehtiyacı yoxdur”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.