vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Hər bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
ELM-TEXNİKA  
11:20 | 10 noyabr 2022 | Cümə axşamı Məqaləyə 662 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sərvəti 1 ildə 92 milyard dollar “əriyib”

Ən böyük şirkəti “Tesla”nın səhmləri sutkada 13 dollar ucuzlaşıb

XALİDƏ

MÖVZU İLƏ ƏLAQƏLİ

İlon Maskın (Elon Musk) sərvəti “Twitter”i aldıqdan sonra sahib olduğu “Tesla”nın səhmlərinin ucuzlaşması ilə yenidən azalmaqdadır. Məşhur milyarderin sərvəti son bir ildə 92 milyard dollar “əriyib”.

Elektrik nəqliyyat vasitələri istehsalçısı ABŞ-ın “Tesla” şirkətinin Baş direktoru İlon Maskın (Elon Musk) sərvəti yenidən azalmaqdadır. Çünki investorlar, Maskın, “Twitter”i aldıqdan sonra elektrik avtomobil istehsalçısı Tesla-ya diqqət yetirmək üçün daha az vaxtının ola biləcəyi ilə bağlı narahatdırlar. 

“Tesla” səhmlərinin qiyməti 2020-ci ilin Noyabr ayından bəri ən aşağı səviyyəyə geriləyib. Şirkətin səhmləri 7 faizdən çox (13 dollar) ucuzlaşaraq biri 180 dollardan da aşağı düşüb.

Kotirovkalar şirkətin rəhbəri bu şirkətin səhmlərinin bir hissəsinin son satışına reaksiya verir.

Bakı vaxtı ilə saat 08:00-da “Tesla” səhmləri 7,2 faiz ucuzlaşma ilə 177,59 dollardan ticarət olunub. Sonuncu dəfə “Tesla” səhmləri 2020-ci ilin noyabrında belə aşağı səviyyədə ticarət edib.

Çərşənbə günü ABŞ Qiymətli Kağızlar və Birja Komissiyasının (SEC) sənədinə görə, Mask təxminən 4 milyard dollar dəyərində 19,5 milyon “Tesla” səhmini satıb.

Eyni zamanda, “Reuters” çərşənbə axşamı bildirib ki, “Tesla” səhmlərinin ucuzlaşması investorların Maskın bu yaxınlarda aldığı “Twitter”ə daha çox diqqət yetirəcəyindən qorxmaları ilə bağlıdır. İnvestorlar hesab edirlər ki, “Tesla” şirkətinə diqqət zəifləyə bilər. Bu səbəbdən bir çox investor Tesla səhmlərini satır. Qısası, investorlar qorxurlar ki, “Twitter”i alan İlon Mask elektromobillər sahəsinə kifayət qədər diqqət yetirmir, halbuki bu seqmentdə rəqabət artmaqdadır. Oktyabrın sonundan bəri, Musk məhkəmə qərarı ilə “Twitter”i satın almaq üçün müqavilə bağladıqdan sonra “Tesla” səhmləri artıq 15 faizdən çox ucuzlaşıb. “Forbes”in məlumatına görə, “Tesla” səhmlərinin ucuzlaşması ilə Maskın sərvəti artıq 192,4 milyard dollardan aşağı düşüb.

Amerika şirkəti “Tesla Motors” 2003-cü ildə elektrik nəqliyyat vasitələri və onlarla əlaqəli texnologiyaların istehsalçısı kimi təsis edilib. Elektrikli nəqliyyat vasitələri ilə yanaşı, şirkət öz texnologiyasından istifadə edərək akkumulyatorlar, elektrik mühərrikləri istehsal edir və onu “Toyota” və “Daimler” kimi digər avtomobil şirkətlərinə satır.

Şirkətin səhmləri bu il “S&P” 500 İndeksində 19 faiz və “Nasdaq 100” İndeksində 32 faiz azalma ilə müqayisədə 45 faiz ucuzlaşıb.

“Tesla” səhmləri ən yüksək səviyyəsinə çatanda Maskın sərvəti 340 milyard dollar təşkil etmişdi.

“Bloomberg” Milyarderlər İndeksinə görə, Maskın sərvəti bu il 92 milyard dollar azalaraq 177 milyard dollara düşüb. Məşhur milyarder hələ də dünyanın ən varlı adamı olsa da, onun sərvəti, cəmi bir il əvvəl Teslanın səhmlərinin cəmi dəyəri rekord həddə - 410 milyard dollara çatanda 340 milyard dollar ətrafında idi.

Oktyabrın 27-də 51 yaşlı milyarderin “Twitter”i ələ keçirməsi başa çatıb və şirkət işçilərinin yarısını dərhal işdən çıxarıb.

“General Motors” və “Volkswagen AG” kimi şirkətlər, satınalma tamamlandıqdan sonra Maskın rəhbərliyi altında şirkətin necə dəyişəcəyini daha yaxşı başa düşmək üçün saytda ödənişli reklamları dayandırdıqlarını açıqlayıblar.

Digər tərəfdən, “Tesla” ABŞ xaricindəki ən mühüm bazarında iqtisadi təzyiqlər ilə mübarizə aparır. 

Şirkət ötən ay analitiklərin proqnozlarına uyğun gəlməyən üçüncü rüb satışları haqqında məlumat verib. Mask Çindəki iqtisadi yavaşlamanın və artan faiz dərəcələrinin mənfi təsirini etiraf edib.