vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Hər bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
GÜNDƏM  
13:56 | 24 noyabr 2022 | Cümə axşamı Məqaləyə 772 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Oskanyan dövrəyə girdi

Ermənilər Xankəndidə Azərbaycana qarşı yeni təxribat hazırlığına başladılar

Təhməz ƏSƏDOV

MÖVZU İLƏ ƏLAQƏLİ

“Son günlər ermənilər mövqelərimizi daha intensiv şəkildə atəşə tutmağa başlayıb. Hətta dünən erməni qanunsuz silahlı birləşmələri Şuşa ətrafındakı mövqelərimiz istiqamətində də hərbi təxribat törətdilər”. Bunu hərbi ekspert Heydər Mirzə deyib.

O bildirib ki, Ermənistan Azərbaycana qarşı yeni təxribatlar hazırlayır: “Hətta artıq söz-söhbət yayılıb ki, Ermənistanın keçmiş Xarici işlər naziri Vardan Oskanyan ola bilsin ki, separatçı rejimdə (Xankəndidə) eyni “vəzifəni” tutsun. Amma bu xəbər yeni olduğu qədər, eyni zamanda hələ təsdiqini tapmayıb.

Bu hadisələr fonunda deyə bilərəm ki, təkcə Azərbaycanla sərhəddə təxribatlar törədilmir, bundan başqa da nələrsə baş verir. Ermənilər belə görünür ki, KTMT sammiti ərəfəsində diplomatik müstəvidə də hansısa proseslərə start veriblər.

Amma məsələyə elə bir zamanda münasibət bildirirəm ki, V. Oskanyanla bağlı məsələlər tam olaraq təsdiqini tapmayıb, bu istiqamətdə bir çox söz-söhbətlər hələ rəsmi deyil. Bu xəbərin özü də təxribat məqsədi daşıyır.

Demək ki, informasiya istiqamətində də ermənilər Azərbaycanın mövqelərini təxribata çəkmək planı hazırlayıb. İndi bizə proseslərin hansı məcraya yönələcəyini izləmək qalır, indiki məqamda əlimizdən ancaq bu gəlir”.

Qeyd edək ki, Xankəndindəki Rusiya sülhməramlı kontingentinin müvəqqəti məsuliyyət zonasında separatçılar növbəti təxribat qərarını elan etməyə hazırlaşır. İddialara əsasən separatçıların yeni “xarici işlər naziri” Ermənistan Xarici İşlər Nazirliyinin keçmiş rəhbəri, Köçəryanın köməkçilərindən biri Vardan Oskanyan olacaq. (Milli.az)