vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
ELM-TEXNİKA  
18:05 | 30 noyabr 2022 | Çərşənbə Məqaləyə 761 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Twitter”də skandal

İstifadəçi məlumatları sızdırılıb

XALİDƏ

MÖVZU İLƏ ƏLAQƏLİ

“Habitu 8” kibertəhlükəsizlik şirkətinin qurucusu Çad Loder “Twitter”də iddia edib ki, 5,4 milyondan çox istifadəçinin məlumatı, o cümlədən telefon nömrələri, e-poçt ünvanları və “Twitter ID”ləri Dark Web-ə sızdırılıb.

Bu açıqlamadan sonra Loderin “Twitter” hesabı bağlandı, bəzi istifadəçilər isə sosial media platformasının sahibi İlon Maskın “Twitter təhlükəsizliyinin nə qədər zəif olduğunu ortaya qoyduğu üçün Loderi qadağan etdiyini iddia etdi. “Twitter”in bu sızıntını ört-basdır etməyə çalışdığı bildirilsə də, Loder hücumun Avropa Birliyi və ABŞ-dakı istifadəçilərə təsir etdiyini bildirib. Digər tərəfdən, texnologiya xəbər saytı “Bleeping Computer”, istifadəçi məlumatlarının ilk olaraq iyul ayında 30.000 dollar qiymət etiketi ilə bir haker forumunda yerləşdirildiyini, lakin sonradan hakerlərin bu məlumatları pulsuz təqdim etməyə başladığını söylədi.

Açıqlamaları ilə dünya miqyasında səs-küy yaradan “Twitter”in sahibi İlon Mask platformadakı son paylaşımlarında şirkətin “ifadə azadlığının məhdudlaşdırılması” ilə bağlı fayllarının tezliklə ictimaiyyətlə paylaşılacağını açıqlayıb. Tənqidçilər bir müddətdir ki, “Twitter”i hansı hesabların senzuraya məruz qaldığı və ya dayandırıldığı və nəyə görə ədalətsiz olduğuna görə tənqid etsə də, Mask açıqlamasında “Azad sözün sıxışdırılması ilə bağlı “Twitter” faylları tezliklə sosial şəbəkədə yerləşdiriləcəyini dedi: “İctimaiyyət əslində nə baş verdiyini bilməyə layiqdir”. Digər tərəfdən Mask, texnologiya nəhəngi “Apple”ın səbəb göstərmədən “Twitter”i “App Store”dan silməklə hədələdiyini iddia etdi. Həmçinin, “Apple”ın “Twitter”də reklamını demək olar ki, tamamilə dayandırdığını irəli sürən Mask, paylaşdığı tvitində “Apple”ın baş direktoru Tim Kuka “Nə baş verir” sualını ünvanladı.