Əlcəzairin energetika naziri Mustafa Quituni, Neft İxrac Edən Ölkələr Birliyinin (OPEC) növbəti iclasda yeni hasilatın azaldılması qərarı verə biləcəyini deyib.

Quituni, neft bazarlarının indilərdə sabitlik qazanmaqda olduğunu, ancaq Liviya və Venesuelanın hələ də bazar sabitliyi üçün təhlükə yaratdığını qeyd edib.

Açıqlamadan sonra neft qiymətləri yüksəlib. Bakı vaxtı ilə saat 16:30-da “Brent” nefti 2,3 faiz bahalaşma ilə 62,90 dollardan alıcı tapıb.

OPEC və Rusiya daxil bir sıra tərəfdaşları artıq qlobal neft təklifini azaltmaq üçün 2019-cu ilin əvvəlindən neft hasilatlarını gündəlik 1,2 milyon barel azaldırlar. Müqavilənin müddəti 6 aydır.

* * *

Azərbaycanın dünya bazarına çıxararaq satdığı “Azeri LT CIF” markalı xam neftin 1 barelinin qiyməti 1,35 dollar və yaxud 2,13 faiz artıb.

“Azeri Light”ın qiyməti 64,74 dollar təşkil edib.