Belçikada dəmiryol işçiləri planlaşdırılan maliyyə ixtisarına və iş şəraitlərindəki dəyişikliklərə etiraz etmək üçün bir həftəlik tətil etmək qərarına gəliblər.

Milli dəmir yolu şirkəti SNBC, bütün bölmələrdəki Müstəqil Birlik üzvlərinin martın 23-dən 30-a qədər tətilə çıxacağını və hərəkət səbəbiylə qatar xidmətlərinin azalacağını açıqlayıb.

Açıqlamada tətilin təsirinin həftə ərzində daha sıx olacağı və mövcud heyətdən asılı olaraq hər gün alternativ qatar xidmətlərinin təklif ediləcəyi qeyd edilib.

SNBC-nin internet saytında və tətbiqində qatar xidmətlərinin 24 saat əvvəldən izlənilə biləcəyi bildirilib və sərnişinlərə planlarını buna uyğun qurmaları və xidmətləri yoxlamaları tövsiyə edilib.

Açıqlamada tətilin bu mərhələdə beynəlxalq qatar xidmətlərinə təsirinin gözlənilmədiyi və qeyd olunan tarixdə səyahət etməyi planlaşdıranlardan müvafiq yeniləmələri yaxından izləmələri istənilib.

Belçikada hökumət 2029-cu ilə qədər dəmir yolu sektorunda 250 milyon avroluq ixtisar etməyi planlaşdırır.

Əsasnamə işçilərin statusunun dəyişdirilməsi, maşinistlərin pensiya yaşının artırılması, işçilərin mərhələli şəkildə müqaviləli kadrlara çevrilməsi və iş şəraitində dəyişiklik edilməsi məqsədi daşıyır.

Həmkarlar ittifaqı hökumətin planlaşdırdığı dəmir yolu islahatının xidmət keyfiyyətinə və işçilərin iş şəraitinə mənfi təsir göstərəcəyini əsas gətirərək ona qarşı çıxır.