“Tesla”nın CEO-su İlon Mask həftə sonu “Amerika Partiyası” adlı yeni siyasi quruluşunu rəsmi olaraq təqdim etdi və bazarlar bu xəbərlərə reaksiya verdi.

“Tesla” səhmləri həftənin əvvəlində dəyərinin təxminən 7 faizini itirərək hər bir səhm üçün təxminən 21 dollara düşüb. Bu azalma ABŞ vaxtı ilə saat 16:00-da bazarların bağlanması zamanı baş verib.

Maskın siyasi partiya yaratması onun ABŞ prezidenti Donald Trampla açıq ictimai müharibəsində yeni addım hesab edilib. İlon Mask 2024-cü il prezident seçkiləri zamanı Trampı dəstəkləmək üçün ən azı 277 milyon dollar bağışlamışdı.

“Bloomberg” Milyarderlər İndeksinə görə, bu inkişafdan sonra İlon Maskın sərvəti iki gün əvvəl ilə müqayisədə 15 milyard dollar azalıb. Buna baxmayaraq, Mask hələ də dünyanın ən zəngin insanı mövqeyini qoruyur.