Neft bu gün 1%-dən çox qalxaraq keçən həftəki itkilərinin bir qismini kompensasiya etdi. Ukraynaya gecə təşkil edilmiş hücumdan sonra Rusiya neftinə qarşı mümkün yeni sanksiyalar, OPEC+ın planlaşdırılan istehsal artımı ilə tarazlandı. “Brent” xam nefti 1,2% artaraq 66,30 dollara, ABŞ xam nefti (“WTI”) isə 1,2% yüksələrək 62,62 dollara çatdı.

Hər iki göstərici həftə sonu ABŞ-da açıqlanan zəif məşğulluq hesabatının enerji tələbinə təsir perspektivini kölgələməsi ilə 2%-dən çox düşmüşdü. Keçən həftə isə neft qiymətləri 3%-dən çox dəyər itirmişdi.

OPEC+ dünən oktyabr ayından etibarən neft istehsalını daha da artırmaq barədə razılığa gəldi. Səudiyyə Ərəbistanı bazar payını geri qazanmaq üçün təzyiq göstərərkən, artım əvvəlki aylara nisbətən daha yavaş baş tutacaq.

OPEC+ neft bazarını dəstəkləmək məqsədilə illərlə davam edən istehsal kəsintilərindən sonra aprel ayından bəri istehsalı artırırdı. Lakin son qərar, şimal yarımkürəsində qış aylarında mümkün neft təklifi artımı gözləntiləri fonunda sürpriz hesab edilir.

OPEC+ın səkkiz üzvü oktyabrdan etibarən gündəlik istehsalı 137 min barrel artıracaq. Bu rəqəm sentyabr və avqust aylarındakı gündəlik təxminən 555 min barel və iyul ilə iyun aylarındakı gündəlik 411 min artımlardan xeyli aşağıdır.