«Bu statusdan sonra müxtəlif insanlarla - rəsmi və qeyri-rəsmi adamlarla görüşdüm. Vəziyyətin heç də düşündüyümüz kimi ümidsiz olmadığını dedilər».

Bunu Cebhe.info-ya açıqlamasında tanınmış astroloq Səbuhi Rəhimli atəşkəs razılaşması ilə bağlı sosial şəbəkə yazdığı statusa münasibət bildirərkən deyib. Qeyd edək ki, cəbhə bölgəsindən qayıdan astroloq statusunda baş verənlərlə bağlı açıqlama verilməyəcəyi təqdirdə öz bildklərini açıqlayacağını vurğulamışdı:

«Hətta bəziləri statusu silməyimi də təklif etdilər. Əslində hərbi siyasət ictimaiyyətdən gizli qalsa, daha yaxşıdır. Mən cəbhə bölgəsində olduğum müddətdə ordumuzun hansı məntəqələrdə qərar tutması barədə bir kəlmə də yazmadım. Çünki bəzi səbəblərə görə ziyanlı ola bilərdi. Amma fakt odur ki, uğurumuz var».

Səbuhi Rəhimli Dağlıq Qarabağ məsələsi ilə bağlı yeni proqnoz verib-verməyəcəyi ilə bağlı sualı da cavablandırıb. Qeyd edib ki, verilən hər hansı bir proqnoz qorxu və ya arxayınlıq yarada bilər:

«Mən yalnız ilin əvvəlində proqnoz verirəm. Bəzi fikirləri orada qeyd etmişəm. Əslində isə Qarabağla bağlı proqnozdan daha çox həmrəyliyə, cəsarətə və qətiyyətə ehtiyac var. Belə məqamlarda hansısa proqnoz qorxu və ya arxayınlıq yarada bilər. Mən də bunu istəmərəm».