vaxtlı-vaxtında oxuyun! Şənbə, 23 iyun 2018
ABŞ dolları 1 USD = 1.7000 AZN
Avro 1 EUR = 1.9745 AZN
Rusiya rublu 1 RUB = 0.0267 AZN
İngilis funt sterlinqi 1 GBP = 2.2548 AZN
Türk lirəsi 1 TRY = 0.3585 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
SAĞLAMLIQ  
17:26 | 5 yanvar 2018 | Cümə Məqaləyə 710 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Hər gün artan xəstəlik - miopiya

Açıq havada vaxt keçirmək uşağınızın gözü üçün niyə faydalıdır?

MÖVZU İLƏ ƏLAQƏLİ

Belə görünür ki, müasir dövrün uşaqları kompüter, planşet və oyun konsolları kimi cihazlara hədsiz vaxt ayırır. Elektron qurğularda oynamağın çəki artımına təsiri məlumdur, bəs bu cihazların görmə qabiliyyətinə təsirilə maraqlanmısınızmı? Mütəxəssislərə əsasən uşaqlar arasında yaxından görmə, yəni miopiya halları yayılmaqdadır.

Görmə qabiliyyətinin zəifləməsinə qarşı ən yaxşı çarə uşaqların bayırda daha çox vaxt keçirməsi ola bilər, ekspertlərdən valideynlərə məsləhət belədir.

 

Miopiya yayılmaqdadır

 

Son onilliklər ərzində dünya boyunca miopiya hallarının sayı artmaqdadır.

«Miopiya və yaxud da yaxından görmə hallarının sayı çoxalmaqdadır», Londonun «King's College» Universitetində oftalmologiya professoru və «St Thomas' Hospital»ında göz cərrahı, doktor Kris Hammond (Chris Hammond) deyir.

«Bu Şərqi Asiya, Sinqapur, Tayvan və Cənubi Koreyada epidemiya həddinə çatıb, orada 18 yaşınadək gənclər miopiya halları 90 faizə yaxınlaşır».

Chris Hammond deyir ki, 20-ci əsrin əvvəlində Avropa gəncləri arasında 20 faizə yaxın olan bu rəqəm tədricən artaraq 40-50 faizə çatmaqdadır.

 

Miopiya niyə yayılır?

 

Əsas səbəb təbii işıqlandırmanın çatışmazlığı ola bilər, Londondakı «Moorfields Eye Hospital» klinikasının oftalmoloqu Doktor Annegret Dahlmann-Nur (Annegret Dahlmann-Noor) deyir.

«Əsas amil günəş işığının çatışmazlığıdır, çünki çox oxuyaraq kompüter, planşet və smartfonlarından istifadə edən uşaqların bayıra çıxıb gəzişmək imkanları məhduddur və onlar günəş işığını daha az görür. Bu səbəbdən onlar yaxından görmənin əmələ gəlmə riskinə daha çox məruz qalır».

Professor Hammond hesab edir ki, çox oxuyan asiyalı uşaqlar arasında miopiyanın artması elektron cihazların istifadəsi və görmə qabiliyyətindəki zəifləmənin əlaqəli olduğuna dəlalət edir.

Onun sözlərinə görə uşaqlar ən gənc yaşlarından «çox intensiv oxumağa məcbur edilərək» əksər vaxtlarını evdə keçirir.

 

Ekran qarşısında keçirilən vaxt məhdudlaşdırılmalıdırmı?

 

Hər bir valideyn uşaqların ekrandan ayırmağın necə çətin olduğunu yaxşı bilir.

Üç uşaq anası Doktor Dahlmann-Nur hesab edir ki, tədrisin elektron şəklində aparıldığı üçün uşaqları kompüterdən uzaqlaşdırmaq cəhdləri qeyri-real ola bilər.

«Düşünmürəm ki, qarşıdan gələn illər ərzində ekrandan istifadəni azaltmaq mümkün olsun».

 

Bayırda vaxt keçirmək mühümdür

 

Əlinizdən gələn ən yaxşı şey uşaqları bayırda daha çox vaxt keçirməyə həvəsləndirməkdir.

«Miopiyadan ən yaxşı qorunma yolu küçədə daha çox olmaqdır - idman və asudə vaxt gözə faydalıdır», professor Hammond deyir.

O, günün minimum iki saatını bayırda keçirməyi məsləhət görür.

Tərəvəzi də unutmayın!

Doktor Dahlman-Nur miopiyaya qarşı mübarizədə düzgün qidalanmanın rolunu da qeyd edir.

«Biz həmişə valideynlərə omega-3-lə zəngin yağlı turşular, vitamin A, C və E, gözün arxa səthinə faydalı olan qidalar barədə danışırıq».

«Uşaqlara gəlincə - reseptsiz satılan beyin üçün faydalı qida əlavələri göz üçün də xeyirlidir. Onların sadəcə olaraq bu xüsusiyyəti qeyd olunmur».

Doktor Dahlmann-Nur həmçinin ildə bir dəfə göz həkiminə baş çəkməyi tövsiyə edir.

 

Uşaqda yaxından görmənin əlamətləri

 

Britaniya Səhiyyə Nazirliyinə əsasən, uşağınızda yaxında görmənin yaranmasına dəlalət edən əlamətlər bunlardır:

 

Lövhədən oxumağın çətinləşməsinə görə ön masaya oturmaq ehtiyacı.

Televizora daha yaxın oturma.

Baş ağrıları və gözün yorulması ilə bağlı şikayət.

Daima gözü ovuşdurmaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *