vaxtlı-vaxtında oxuyun! Cümə, 20 sentyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
DİGƏR NÖVLƏR  
15:22 | 27 dekabr 2016 | Çərşənbə axşamı Məqaləyə 1829 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Atletlər Kəndindəki evlər satılacaq

İslam Oyunlarından sonra...

MÖVZU İLƏ ƏLAQƏLİ

«Əməliyyat Şirkəti tam şəkildə formalaşıb. Mütəxəssislər öz vəzifələrini icra edir. 60-a yaxın xarici mütəxəssis və 500-ə yaxın yerli gənclər bu işlərin öhdəsindən gəlir. Əsas məsələ açılış və bağlanış mərasimləri ilə bağlıdır».

Bunu gənclər və idman naziri Azad Rəhimov bu gün keçirilən mətbuat konfransında deyib.

Nazir İslam Həmrəyliyi Oyunlarının açılış və bağlanış mərasimindən danışıb: «Bunlar Bakı Olimpiya Stadionunda olacaq və böyük iş tələb edir. Mədəniyyət tədbirləri həyata keçiriləcək. Heç bir sahədə heç bir gecikmə yoxdur. Bizə verilən sifarişlərə əsasən Oyunlarda 4 000-ə qədər idmançı, 2 000 nəfər isə texniki şəxs, nümayəndə heyəti olacaq. Ümumilikdə Atletlər Kəndində 6 000-ə yaxın adam olacaq. İslam Oyunlarından sonra Atletlər Kəndi geri qaytarılacaq. Çünki qarşıda böyük tədbir yoxdur. Bu səbəbdən sahibkarlara qaytarılacaq və evlər satışa çıxarılacaq. Oyunların keçirilməsi üçün təxmini 100 milyon dollar nəzərdə tutulub. Onlardan 60 milyon dolları bu il, qalan hissəsi gələn il xərclənəcək. Böyük hissə açılış və bağlanış mərasimlərinə xərclənəcək».

A.Rəhimov Azərbaycanda yaradılacaq Milli Anti Dopinq Agentliyindən söz açıb: «Müxtəlif ölkələr bu cür yanaşmaların əleyhinədir. Çünki elm daim inkişafdadır. 10 ildən sonra dopinqlə mübarizəyə hansı cihazlar yaradılacaq, bu məlum deyil. Bu gün dərman qəbul edib, 10 ildən sonra tapılsa, həmin idmançı öz medalını itirir. Biz razı deyil. Amma Dünya Anti-Dopinq Agentliyinin öz xətti var. Bizdə hazır olmalıyıq. Qanun qəbul olundu. Milli Anti Dopinq Agentliyi qeydiyyatdan keçirildi və yanvarın ilk günlərindən fəaliyyətə başlayacaq. Agentliyin nəzdində 3 - terapevtik, apelyasiya və fəaliyyət göstərəcək. Üzümüzə gələn il 400-ə qədər dopinq analizi götürməyi düşünürük. Eyni sayda da İslam Oyunlarında olacaq. Bu da 800 edir və yüksək göstəricidir. Agentliyin rəhbəri Şəfəq Hacıyeva olacaq. Biz onu təklif etdik və qəbul etdi».

Nazir yerli federasiyalarda oxşar adların olmasından söz açıb və Ağırlıqqaldırma Federasiyasında prezident dəyişikliyi ilə bağlı yayılan məlumatlara aydınlıq gətirib: «Federasiya ictimai birliklərdir. Biz eyniadlı federasiyanın olmasına icazə vermirik. Belə olarsa, Ədliyyə Nazirliyində məsələ qaldırırıq. Bu gün Ağırlıqqaldırma Federasiyasının prezidenti Cahangir Hacıyevdir. Azər Əliyev Milli Olimpiya Komitəsinin baş katibinin müavinidir. Təbii ki, o federasiya ilə də əlaqələrini pozmayıb».

Xatırladaq ki, ötən ilki Birinci Avropa Oyunları zamanı Atletlər kəndi kimi istifadə olunan həmin çoxmənzilli yaşayış binaları «Azinko» şirkətinə məxsusdur. Həmin binalar çoxdan hazır olsa da oradakı mənzillər satışa çıxarılmayıb, Avropa Oyunları zamanı idmançıların yaşaması üçün icarəyə verilib. Daha sonra şəhərciyin İslam Oyunları üçün uzadılıb. Və indi belə məlum olur ki, «Azinko» həmin binalardakı mənzilləri İslam Oyunlarından sonra satışa çıxaracaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *