vaxtlı-vaxtında oxuyun! Çərşənbə axşamı, 13 noyabr 2018
1 ABŞ dolları 1 USD = 1.7000 AZN
1 Avro 1 EUR = 1.9245 AZN
1 Rusiya rublu 1 RUB = 0.0252 AZN
1 İngilis funt sterlinqi 1 GBP = 2.1972 AZN
1 Türk lirəsi 1 TRY = 0.3109 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
KİNO-TEATR  
00:04 | 15 iyun 2018 | Cümə Məqaləyə 780 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Qalxan və qılınc” filmi ekranda

Əsər ulu öndər Heydər Əliyevin DTK-nın rəhbəri olarkən erməni millətçilərinin təxribatlarına qarşı mübarizəsindən bəhs edir

MÖVZU İLƏ ƏLAQƏLİ

İyunun 14-də Nizami Kino Mərkəzində Mədəniyyət Nazirliyi və Cəfər Cabbarlı adına “Azərbaycanfilm” kinostudiyasının təşkilatçılığı ilə “Qalxan və qılınc” sənədli filminin təqdimatı keçirildi. Ekran əsəri ümummilli lider Heydər Əliyevin anadan olmasının 95 illiyinə həsr edilib.

Film sovet hakimiyyəti dövründə respublikanın təhlükəsizlik orqanlarına (Dövlət Təhlükəsizlik Komitəsi - DTK) rəhbərlik edən ulu öndərin bilavasitə səyi nəticəsində xalqımıza qarşı erməni təxribatının qarşısının alınması və cinayətkarların cəzalandırılması ilə bağlı hadisələri özündə əks etdirir.

Ekran əsərinin nümayişindən öncə Azərbaycan Respublikası Kinematoqrafçılar  İttifaqının birinci katibi, Əməkdar incəsənət xadimi Cəmil Quliyev çıxış edərək film haqqında məlumat verdi: “Qalxan və qılınc” son illər ərzində Cəfər Cabbarlı adına “Azərbaycanfilm” kinostudiyasının təqdim etdiyi ən uğurlu layihələrdən biridir. Filmin rejissoru Etibar Məmmədovun yaradıcılığında Dağlıq Qarabağ mövzusu aparıcı yer tutur. Onun ekranlaşdırdığı filmlər maraqlı və təsirlidir. Bu, sırf kinopublisistik janrda ekranlaşdırılan filmdir. Filmin mərkəzində ümummilli liderimiz Heydər Əliyevin siyasəti, onun erməni daşnaklarına qarşı apardığı mübarizə dayanır. Ekran əsərindən məlum olur ki, ümummilli lider ermənilərin məkrli siyasətini bilirdi və bu hücumlara qarşı mübarizə aparırdı. “Qalxan və qılınc” filmi də faktlar əsasında ekranlaşdırılıb.

Xocavənd Rayon İcra Hakimiyyətinin başçısı Eyvaz Hüseynov filmin əhəmiyyətindən söz açdı. Vurğuladı ki, ekran əsəri ulu öndər Heydər Əliyevin ölkəmiz üçün etdiklərini ictimaiyyətə təqdim etmək baxımından önəmlidir. Bu ekran əsəri 1966-cı ildə Dağlıq Qarabağda erməni millətçilərinin apardığı təxribatçılıq əməllərinin üstünün açılmasından bəhs edir. O dövrdə ermənilərin bu əməllərinə qarşı ümummilli lider Heydər Əliyev kəskin mübarizə aparıb.

Filmin ssenari müəllifi və rejissoru Etibar Məmmədov çıxış edərək ümummilli lider Heydər Əliyevin Azərbaycan xalqı qarşısında xidmətlərindən bəhs edən filmi çəkməsini özü üçün şərəfli olduğunu vurğuladı. Bildirdi ki, belə sənədli filmlərin ərsəyə gətirilməsi ulu öndərin xidmətlərinin daha geniş şəkildə tanıdılması və təbliğ olunması baxımdan vacibdir. O, ekran əsərinin ərsəyə gəlməsində əməyi olan hər kəsə öz minnətdarlığını bildirdi.

Daha sonra sənədli film nümayiş olundu.

Dövlət sifarişi ilə ekranlaşdırılan “Qalxan və qılınc” filminin operatoru Ramin Şahbazov, montaj rejissoru Coşqun Zahidov, səs rejissoru Nurani İsgəndərov, icraçı prodüseri Orxan Əliyev, prodüseri Müşfiq Hətəmovdur.

F.HÜSEYNOV


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *