vaxtlı-vaxtında oxuyun! Çərşənbə axşamı, 6 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
GÜNDƏM  
12:26 | 27 iyun 2019 | Cümə axşamı Məqaləyə 1965 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Hər şey ola bilər...”

“Tərəflərin əlində böyük sayda hərbi qüvvə, texnika var”

MÖVZU İLƏ ƏLAQƏLİ

Azərbaycan və Ermənistan qoşunlarının təmas xəttində son bir neçə gündür ki, misli görünməmiş sakitlik hökm sürür. Hər iki tərəf atəşkəsin pozulması hallarının demək olar ki, baş vermədiyi haqda raportlar verirlər. Hətta Azərbaycan Müdafiə Nazirliyinin cəbhə xəttindəki vəziyyətə dair gündəlik raportlarında da “ara-sıra açılan tək atəşlər istisna olmaqla” nisbi sakitlik hökm sürdüyü qeyd olunur.

Lakin bu, tufanqabağı nisbi sakitlik də ola bilər. Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Toyvo Klaar hesab edir ki, hər iki tərəfin əlində böyük sayda hərbi qüvvə və texnika cəmləşdiyi bir vaxtda istənilən vaxt hər şeyin baş verməsi mümkündür.

“Azadlıq” radiosunun erməni xidmətinə müsahibəsində diplomat bildirib ki, Qarabağ münaqişəsi zonasında situasiya partlayış təhlükəldir.

“Bizim baş nazir Paşinyanla görüşümüz oldu və əlbətdə, Dağlıq Qarabağ haqda da danışdıq, nazirlərin Vaşinqtondakı son görüşünü müzakirə etdik. Və son bir ay-ay yarımda təmas xəttində gərginliyin artmasının şahidi olduğunu dedik. İndi Vaşinqton görüşündən sonra ümid edirik ki, bu aktivlik aşağı düşəcək”,-Toyvo Klaar deyib.

Avropalı diplomat təmas xəttindəki vəziyyəti Ermənistanın xarici işlər naziri ilə də müzakirə etdiyini deyib. Onun sözlərinə görə, situasiya olduqca kövrəkdir. Bu baxımdan insan itkiləri ilə nəticələnən atışmalar olur.

“Və məhz bu situasiyanı aradan qaldırmaq üçün danışıqlar yolu ilə daha uzunmüddətli və möhkəm sülh prosesinə doğru getmək lazımdır. Nə qədər ki, hər iki tərəfin əlində böyük sayda hərbi qüvvə və texnika var, situasiya partlayış təhlükəli olaraq qalacaq, hər şey baş verə bilər”, - o əlavə edib.