vaxtlı-vaxtında oxuyun! Çərşənbə axşamı, 15 oktyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
MUSİQİ  
09:14 | 2 avqust 2019 | Cümə Məqaləyə 387 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qədim diyarda növbəti musiqi bayramı

Qəbələ şəhəri 11-ci dəfə beynəlxalq festivala ev sahibliyi edir

Təməlinin qoyulduğu 2009-cu ildən bu yana dünya musiqi xəritəsində özünə layiqli yer qazanan Qəbələ Beynəlxalq Musiqi Festivalı yenidən sənətsevərlərin görüşünə gəlib. Azərbaycanın dilbər guşələrindən olan Qəbələ şəhəri 11-ci dəfə öz qapılarını festival iştirakçılarının üzünə açıb.

Heydər Əliyev Fondunun təşkilatçılığı, Mədəniyyət Nazirliyinin və “Gilan Holdinq”in dəstəyi ilə reallaşan Qəbələ Beynəlxalq Musiqi Festivalı dünyanın müxtəlif yerlərindən musiqiçiləri bir araya gətirib.

İyulun 31-də Qəbələ Mədəniyyət Mərkəzinin zalında Üzeyir Hacıbəyli adına Bakı Musiqi Akademiyasının Tələbə simfonik orkestrinin iştirakı ilə festivalın ilk konserti təqdim olunub. Cavad Tağızadənin dirijorluğu ilə gerçəkləşən konsertdə solistlər Taleh Yahyayev (bariton), Nigar Cəfərova (soprano), Mahir Tağızadə (bariton), Nəzrin Aslanlı (violin), Safura Aslan (vokal), Məhəmmədəli Paşazadə (klarnet) Azərbaycan və dünya bəstəkarlarının əsərlərini ifa ediblər.

Proqramda F.Əmirovun “Azərbaycan kapriççiosu”, “Azərbaycan elləri”, S.Prokofyevin “Romeo və Cülyetta” baletindən 3 fraqment, A.Campyerinin “Venesiada karnaval” (II hissə), S.Raxmaninovun “Aleko” operasından Alekonun kavatinası, C.Puççininin “Bohema” operasından Müzettanın ariyası, M.Ponsenin violin və orkestr üçün “Estrellita”, Q.Qarayev və C.Hacıyevin

“Vətən” operasından Mərdanın ariyası, A.Piazzolanın “Oblivion”, F.Bədəlbəylinin “Anamız Azərbaycan” əsərləri səsləndirilib.

Gənc musiqiçilərin çıxışları tamaşaçılar tərəfindən alqışlarla qarşılanıb.

Avqustun 1-də gündüz Heydər Əliyev Konqres Mərkəzində kamera konserti təşkil olunub. Konsertdə J.Offenbaxın, İ.S.Baxın, C.Sollimanın, A.Minskinin, G.Qusevin, Q.Millerin, G.Qladkov-B.Andrianovun və E.Fransininin əsərləri səsləndirilib.

Axşam isə Mədəniyyət Mərkəzində XI Qəbələ Beynəlxalq Musiqi Festivalının təntənəli açılış mərasimi keçirilib. Ü.Hacıbəyli adına Azərbaycan Dövlət Simfonik Orkestri tamaşaçılar qarşısında geniş konsert proqramı ilə çıxış edib.

Avqustun 5-dək davam edəcək festivalın proqramı zəngindir. Musiqi bayramına Rusiya, İsrail, ABŞ, İtaliya, İsveçrə, Ukrayna, Özbəkistan, Litva, Çin və Türkiyədən məşhur dirijorlar, musiqiçilər, orkestrlər dəvət olunub.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *