vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
GÜNEY  
12:18 | 30 aprel 2022 | Şənbə Məqaləyə 1020 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bu il tamamilə quruya bilər

Urmiya gölünün cənub hissəsinin itirilməsi təhlükəsi var

Hamid MƏLİKOĞLU

MÖVZU İLƏ ƏLAQƏLİ

Qərbi Azərbaycan vilayətində bir rəsmi, bu il mövcud tendensiyaların davam edəcəyi təqdirdə Urmiya gölünün cənub hissəsinin tamamilə quruya biləcəyi haqda xəbərdarlıq edib.

Qərbi Azərbaycan Ətraf Mühitin Mühafizəsi Təşkilatının texniki məsələlər üzrə müavini Höccət Cabbarinin dediklərinə görə, son illər ərzində Urmiya gölünün vəziyyəti nisbi şəkildə yaxşılaşmışdı, ancaq son zamanlarda yağışların azalması və tələb olunan su payının gölə buraxılmaması səbəbindən, həmçinin Urmiya gölünün canlandırılması üçün bəzi layihələrin yekunlaşmadığından dolayı bu gölün vəziyyəti yenidən böhranlı vəziyyətə gəlib.

Höccət Cabbari Urmiya gölünə su axınının azaldığı təqdirdə bu il Urmiya gölünün böyük hissəsinin, xüsusən də cənub hissəsinin itiriləcəyi barədə xəbərdarlıq edib.

Urmiya gölünün səthi, sahəsi və suyunun həcmi bu il ötən ilin eyni dövrü ilə müqayisədə ciddi şəkildə azalıb.

Hazırda Urmiya gölünün səthi 1270,77 metr təşkil edir. Bu da ötən illə müqayisədə gölün səthinin 66 sm azaldığını göstərir.

Hazırda gölün sahəsi 2489 kvadrat kilometrdir ki, bu, gölün sahəsinin ötən illə müqayisədə 1015 kvadrat kilometr kiçildiyini göstərir.

Urmiya gölünün su həcmi ötən ilin eyni dövründə 5,29 milyard kubmetr olub, ancaq gölün indiki su həcmi 3,11 milyard kubmetrdir.

Qərbi Azərbaycan Ətraf Mühitin Mühafizəsi Təşkilatının müavini bu il Urmiya gölünün 3,4 milyard kubmetr su payından sadəcə 700 milyon kubmetrinin gölə buraxıldığını bildirib.

İranın “Arman-e Melli” qəzeti Qərbi Azərbaycan Ətraf Mühitin Mühafizəsi Təşkilatının sözlərinə toxunaraq, hökumətin Urmiya gölünün canlandırılması üçün heç bir əhəmiyyətli tədbir görmədiyini tənqid edib. Həmin qəzet qeyd edib ki, “keçən il yay mövsümündə quraqlıq səbəbilə içməli su və əkinçiliyə su ehtiyatlarının ayrılması məqsədilə bəndlərin suyu gölə buraxılmayıb. Bunun ardından gölün vəziyyətinin pisləşməsi bir öncəki il gölün vəziyyətinin yaxşılaşmasının səbəbinin sadəcə yağıntılar və bəndlərdən gölə buraxılan su payının olduğunu göstərmiş oldu.”

Ətraf mühit ekspertləri Urmiya gölünün quruması və duz çölünün üzə çıxması nəticəsində duz fırtınalarının ciddi şəkildə bölgədə yaşayan əhalinin həyatına geri dönməz təsirlər buraxacağı haqda xəbərdarlıq edir.