vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
GÜNDƏM  
22:10 | 16 may 2022 | Bazar ertəsi Məqaləyə 453 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“... Ermənistan Azərbaycanın ərazi bütövlüyünü tanımır”

Keçmiş nazir: “Sərhədlər məsələsi özlüyündə texniki məsələdir, əsas məsələ odur ki...”

MÖVZU İLƏ ƏLAQƏLİ

Bu gün - mayın 16-da və sabah Ermənistan və Azərbaycan rəsmilərinin yenidən sərhəd məsələsini müzakirə edəcəyi gözlənir. Bəs Bakı ilə Yerevan ümumi sərhədlərini razılaşdıranda Ermənistan Qarabağa getmək üçün Azərbaycandan icazə almağa razılaşacaqmı?

Vaşinqtonda siyasi şərhçi Pol Qobl deyir ki, Azərbaycanla Ermənistan arasında sərhədlərlə bağlı əsas məqam elə budur, bunu həll etmək mümkün olsa, sülh də olacaq:

“Tamamilə mümkündür ki, Bakı və Yerevan sərhədlərin 95 faizi ilə bağlı razılığa gəlsinlər. Sual bundan ibarətdir ki, Ermənistan Laçın dəhlizi ərazisindən keçən sərhədi tanıyacaqmı? Qəbul edəcəkmi ki, bu Azərbaycan ərazisidir və sərhədi keçən hər kəs Azərbaycan sərhədçiləri tərəfindən yoxlanacaq. Azərbaycanın indi təkid etdiyi budur. Əgər Ermənistan bunu qəbul etməsə, onda Azərbaycanın Qarabağ üzərində suverenliyinin tanınması olmayacaq. Çünki Qarabağ həmin sərhəd xəttinin arxasındadır. Məncə, Ermənistan bunu etməyəcək və onda da yekun sülh müqaviləsi mümkün olmayacaq”.

Elə Azərbaycanın keçmiş xarici işlər naziri Tofiq Zülfüqarov da deyir ki, özlüyündə sərhədlər məsələsi texniki məsələdir, əsas məsələ odur ki, Ermənistan Azərbaycana ərazi iddiasından əl çəksin.

O deyir ki, Ermənistanın yeni açıqladığı altı bəndlik təklifdən elə görünür ki, rəsmi Yerevan Azərbaycanın ərazi bütövlüyü tanımır, çünki 3-cü bənddə deyilir ki, Qarabağın yekun statusunun müəyyən edilməsi prinsipial məsələdir, halbuki Azərbaycan status məsələsini qapanmış sayır:

“Onlar hələ də sülhməramlıların ərazisində silahlı qüvvələrini saxlamaq istəyirlər”.

Tofiq Zülfüqarov deyir ki, indiki halda Ermənistan Azərbaycanın ərazi bütövlüyünü tanımamış Azərbaycan sərhədlərdə razılaşsa, bu gələcəkdə Azərbaycana təzyiqləri artıra bilər.