vaxtlı-vaxtında oxuyun! Cümə axşamı, 9 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
GÜNDƏM  
10:10 | 24 may 2022 | Çərşənbə axşamı Məqaləyə 542 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Regionda bütün kommunikasiyalar açılmalıdır”

Ermənistanın Azərbaycan əraziləri vasitəsilə İrana və Rusiyaya çıxışı müzakirə olunur

MÖVZU İLƏ ƏLAQƏLİ

Ermənistan Təhlükəsizlik Şurasının katibi Armen Qriqoryan mayın 23-də Azərbaycan və Ermənistan arasında kommunikasiyaların açılması ilə bağlı suallara cavab verib.

Avropa İttifaqı Şurasının prezidenti Şarl Mişelin Azərbaycan prezidenti və Ermənistan baş naziri ilə danışıqlarından sonra mayın 22-də verilmiş bəyanatında deyilirdi ki, tərəflər Azərbaycan və Naxçıvan arasında Ermənistan ərazisi və Ermənistanın müxtəlif hissələri arasında Azərbaycan ərazisindən keçməklə kommunikasiyaların açılmasına dair razılaşma əldə ediblər.

Qriqoryan “Ermənistanın müxtəlif hissələri arasında Azərbaycan ərazisindən keçməklə” ifadəsini izah edib: “Söhbət ondan gedir ki, məsələn Ermənistan vətəndaşları və yükləri Yerasxdan (Arazdəyən) Meğriyə və ya əksinə çatmaq üçün Naxçıvan Muxtar Vilayətinin ərazisindən keçəcəklər. Eyni prinsiplər üzrə Azərbaycan vətəndaşları və yükləri də Horadizdən Naxçıvana Ermənistan ərazisi ilə keçəcəklər”.

Jurnalistlər maraqlanıblar ki, Ermənistanın bir hissəsindən başqa hissəsinə keçilməsi üçün niyə Naxçıvan ərazisindən istifadə olunmalıdır?

A.Qriqoryan bunu belə izah edib ki, Ermənistanın şimalı ilə cənubunu birləşdirən dəmir yolu Naxçıvandan keçir: “Müzakirə olunan mövzu regionda bütün kommunikasiyaların açılmasıdır. Buna görə də bu açılmanın prinsipləri məsələsi həll olunmalıdır. Müzakirələr bu məntiqlə gedir”.

Təhlükəsizlik Şurasının katibi xatırladıb ki, habelə Ermənistan Respublikasının Naxçıvan ərazisi ilə İrana və Azərbaycanın şərq regionları vasitəsilə Rusiyaya çıxışı müzakirə olunur.